ଆଜି ବଲିଉଡ ବାଦଶାହ କିଙ୍ଗ ଖାନଙ୍କ ଜନ୍ମଦିନ ; ୫୯ ବର୍ଷରେ ଶାହରୁଖ

କନକ ବ୍ୟୁରୋ: ବଲିଉଡ ବାଦଶାହା ଶାହରୁଖ ଖାନ ୫୯ ଟି ବସନ୍ତ ଅତିିକ୍ରମ କରିଛନ୍ତି ।  ଜନ୍ମଦିନ ଅବସରରେ କିଙ୍ଗ ଖାନଙ୍କ ଏକ ଝଲକ ପାଇବା ପାଇଁ ତାଙ୍କ ଘର ମନ୍ନତ ସମ୍ମୁଖରେ ପ୍ରଶଂସକଙ୍କ ଭିଡ଼ ଜମିଥିଲା। ଶାହରୁଖ ମଧ୍ୟ ନିଜ ଫ୍ୟାନ୍ସଙ୍କୁ ନିରାଶ କରିନଥିଲେ । ବିଳମ୍ବିତ ରାତିରେ ଘର ଛାତ ଉପରକୁ ବାହାରି ପ୍ରଶଂସକଙ୍କୁ ଅଭିବାଦନ ଜଣାଇଥିଲେ । 

ଶାହରୁଖ ନିଜ ସିଗନେଚର ପୋଜରେ ପ୍ରଶଂସକଙ୍କୁ ଅଭିବାଦନ ଜଣାଇଥିଲେ । ଶାହରୁଖଙ୍କୁ ଜନ୍ମଦିନରେ ଶୁଭେଚ୍ଛା ଜଣାଇବା ପାଇଁ ଗତକାଲି ସକାଳରୁ ଫ୍ୟାନ୍ସଙ୍କ ଭିଡ଼ ଜମିଥିଲା । କିଏ ଫୁଲତୋଡା ଧରି ଆସିଥିଲା ତ ଆଉ କିଏ କେକ୍ ଓ ଉପହାର ନେଇ ଶାହରୁଖଙ୍କୁ ଜନ୍ମଦିନର ଶୁଭେଚ୍ଛା ଜଣାଇବା ପାଇଁ ଆସିଥିଲା । ଏହାସହ ଶାହରୁଖଙ୍କ ବଡ଼ ବଡ଼ ପୋଷ୍ଟର ନେଇ ମଧ୍ୟା ଆସିଥିବା ଦେଖିବାକୁ ମିଳିଥିଲା । ଶାହରୁଖଙ୍କୁ ଅତି ନିକଟରେ ପାଇ ନିଜ ମୋବାଇଲରେ କଏଦ କରି ନେଇଥିଲେ ତାଙ୍କ ପ୍ରଶଂସକ । ରାତି ୧୨ଟାରେ ମନ୍ନତ ସମ୍ମୁଖରେ ପ୍ରଶଂସକ ଆତସବାଜି ମଧ୍ୟ କରିଥିଲେ।  

ବଲିଉଡ୍ ଇଣ୍ଡଷ୍ଟ୍ରିରେ ଶାହାରୁଖ ଯେତିକି ରାଜ କରନ୍ତି ସାରା ବିଶ୍ୱର ସେଲିବ୍ରିଟିଙ୍କ ମଧ୍ୟରେ ବି ତାଙ୍କର ଦବଦବା କିଛି କମ୍ ନୁହେଁ    । କାରଣ ନିକଟରେ ପ୍ରକାଶିତ ଏକ ସାଇଣ୍ଡିଫିକ୍ ଷ୍ଟଡିରେ ତାଙ୍କୁ ବିଶ୍ୱର ୧୦ ଜଣ ହ୍ୟାଣ୍ଡସମ୍ ସେଲିବ୍ରିଟିଙ୍କ ମଧ୍ୟରେ ସ୍ଥାନ ମିଳିଛି । ସେଲିବ୍ରିଟି ପ୍ଲାଷ୍ଟିକ୍ ସର୍ଜନ ଡା. ଜୁଲିୟନ୍ ଡି ସିଲଭାଙ୍କ ଦ୍ୱାରା ହୋଇଥିବା ଏକ ସର୍ଭେରେ ଟପ୍ ୧୦ ହ୍ୟାଣ୍ଡସମ୍ ମେଲ୍ ଆକ୍ଟରଙ୍କ ଲିଷ୍ଟରେ ସ୍ଥାନିତ ହୋଇଛନ୍ତି । ଏହି ତାଲିକାର ୧୦ମ ସ୍ଥାନରେ ଅଛନ୍ତି ଶାହାରୁଖ । ଏହି ଲିଷ୍ଟରେ ସ୍ଥାନରେ ପାଇବାରେ ଶାହାରୁଖ ହେଉଛନ୍ତି ପ୍ରଥମ ଭାରତୀୟ ଅଭିନେତା । ତାଙ୍କ ସ୍କୋର ରହିଛି ୮୬.୭୬ ପ୍ରତିଶତ ।