କନକବ୍ୟୁରୋ : ଆଜି ପ୍ରଥମାଷ୍ଟମୀ  ।  ଶ୍ରୀମନ୍ଦିରରେ ପୋଢୁଁଆ ହେବେ ବଡ ଠାକୁର , ଏନେଇ ଗତକାଲି ଶ୍ରୀଜିଉଙ୍କ ମାମୁଁଘରୁ ପୋଢୁଁଆ ଭାର ଆସିବା ପରେ ଆଜି ଶ୍ରୀମନ୍ଦିରରେ ପୋଢୁଁଆ ହେବେ ବଡ ଦିଁଅ  । ଶ୍ରୀଜିଉଙ୍କ ପାଟ ବସ୍ତ୍ର କ୍ଷୀରି ପାଇଁ ନଡିଆ, ଗୁଡ ଛେନା କଦଳୀ ସହ ବିଭିନ୍ନ ପ୍ରକାର ଫଳ ମୂଳ ଇତ୍ୟାଦି ମାମୁଁଘରୁ ଆସି ଶ୍ରୀମନ୍ଦିରରେ ପହଂଚିଥିଲା  । 

Advertisment

ଆଜି ପ୍ରଥମାଷ୍ଟମୀ ନେଇ ଶ୍ରୀମନ୍ଦିରରେ କରାଯିବ ସ୍ୱତନ୍ତ୍ର ନୀତିକାନ୍ତି । ଶ୍ରୀଜିଉଙ୍କୁ ନବବସ୍ତ୍ର ଲାଗି ହେବା ସହ ସ୍ୱତନ୍ତ୍ର ନୀତିକାନ୍ତିରେ ପୂଜାର୍ଚ୍ଚନା କରାଯିବ । ଛେନାପ୍ରସାଦ ଭୋଗ ସରିବା ପରେ ଭୋଗମଣ୍ଡପ ୩ ବାଡରେ ମଇଲମ କରାଯାଇ ମହାସ୍ନାନ ନୀତି ସମାପନ କରାଯିବ  ।

ଏହାପରେ ପାଳିଆ ପୁଷ୍ପାଳକ ମାନେ ମହାପ୍ରଭୁଙ୍କୁ ନବବସ୍ତ୍ର ପରିଧାନ କରିବା ସହ ଚନ୍ଦନ ବିଜେ କରାଯିବ  । ଏହାପରେ ତତପର ବେଶ ପରେ ଅଳଙ୍କାର ବିମଣ୍ଡିତ ହୋଇ ମହାପ୍ରଭୁଙ୍କୁ କର୍ପୁର ଲାଗି କରି ପୁଷ୍ପାଳକ ମାନେ ମହାପ୍ରଭୁଙ୍କୁ ସିଂହାସନରୁ ଓହ୍ଲାଇ ଆଣିଥାନ୍ତି  । ଏଥିସହ ଆଜି ସବୁଠି ଉତ୍ସବ ମୁଖର ଦେଖିବାପାଇଁ ମିଳେ ପ୍ରଥମାଷ୍ଟମୀରେ । ଏହି ଦିନରେ ଚାରିଆଡେ ବଡମାନଙ୍କୁ ପୂଜା କରିବା ପରେ ପିଠାପଣା କରାଯାଇଥାଏ