ଜଳିଲା ଝାରସୁଗୁଡ଼ା: ପାରଦ ଡେଇଁଲା ୪୧ ଡିଗ୍ରୀ

କନକ ବ୍ୟୁରୋ: ରେକର୍ଡ ଭାଙ୍ଗିଲା ତାତି । ତତଲା ତାୱାରେ ଭାଜି ହେଉଛି ଓଡ଼ିଶା । ଝାରସୁଗୁଡ଼ାରେ ପାରା ୪୧ ଡିଗ୍ରୀ ପାର୍ । ଆଜି ଝାରସୁଗୁଡ଼ାରେ ତାପମାତ୍ରା ୪୧.୪ ଡିଗ୍ରୀ ସେଲସିୟସ୍ ରେକର୍ଡ ହୋଇଛି । ସେହିଭଳି ହୀରାକୁଦରେ ତାପମାତ୍ରା ୪୦.୧ ଡିଗ୍ରୀ, ସମ୍ବଲପୁରରେ ତାପମାତ୍ରା ୪୦ ଡିଗ୍ରୀ, ରାଉରକେଲାରେ ତାପମାତ୍ରା  ୩୯.୪ ଡିଗ୍ରୀ, ଚାନ୍ଦବାଲିରେ ତାପମାତ୍ରା ୩୮.୮ ଡିଗ୍ରୀ, ଭୁବନେଶ୍ୱରରେ ତାପମାତ୍ରା ୩୮.୫ ଡିଗ୍ରୀ ତାପମାତ୍ରା ରେକର୍ଡ ହୋଇଛି । 

ଗ୍ରୀଷ୍ମପ୍ରବାହ ନେଇ ପୂର୍ବରୁ ପାଣିପାଗ ବିଭାଗ ସତର୍କ କରାଇଥିଲା । ୨ ରୁ ୪ ଡିଗ୍ରୀ ତାପମାତ୍ରା  ବୃଦ୍ଧି ପାଇବା ସହ ପୁଣି ରାଜ୍ୟରେ ଅସମ୍ଭାଳ ତାତି ଅନୁଭବ ହେବ ବୋଲି ପୂର୍ବାନୁମାନ କରିଥିଲା ପାଣିପାଗ ବିଭାଗ । ୨୯ ତାରିଖରେ ପୁଣି ଫେରିବ ହିଟ୍‌ ୱେଭ୍‌ ବା ଗ୍ରୀଷ୍ମ ପ୍ରବାହ । ସେଥିପାଇଁ ସତର୍କତା ଜାରି କରିଛି ପାଣିପାଗ ବିଭାଗ ।