ତସଲିମାଙ୍କୁ ହିନ୍ଦୁଙ୍କ ଚିନ୍ତା

କନକ ବ୍ୟୁରୋ : ବାଂଲାଦେଶରେ ଆତଙ୍କରେ ହିନ୍ଦୁ । କେଉଁଠି ହତ୍ୟା ହେଉଛି ତ କେଉଁଠି ଘର ପୋଡି ଦିଆଯାଉଛି, ପୁଣି ବିତାଡିତ ମଧ୍ୟ କରାଯାଉଛି । ଏହାକୁ ନେଇ ପ୍ରସିଦ୍ଧ ଲେଖିକା ତସଲିମା ନସରିନ ବଡ଼ ବୟାନ ଦେଇଛନ୍ତି । କିଛିଦିନ ତଳେ ବାଂଲାଦେଶର ହିନ୍ଦୁ ନେତା ଭାବେଶ ଚନ୍ଦ୍ର ରାୟଙ୍କୁ ନିର୍ମମ ଭାବେ ହତ୍ୟା କରାଯାଇଥିଲା । ଏହାକୁ ନେଇ ଲେଖିକା ତସଲିମା ସୋସିଆଲ ମିଡିଆରେ ଏକ ପୋଷ୍ଟ କରି ବାଂଲାଦେଶର ପ୍ରଧାନମନ୍ତ୍ରୀ ମହମ୍ମଦ ୟୁନୁସଙ୍କୁ ଟାର୍ଗେଟ୍ କରିଛନ୍ତି । ସେ ଲେଖିଛନ୍ତି କି, ଯେତେଦିନ ପର୍ଯ୍ୟନ୍ତ ୟୁନୁସ ବାଂଲାଦେଶର ପ୍ରଧାନମନ୍ତ୍ରୀ ପଦରେ ରହିବେ ସେତେଦିନ ପର୍ଯ୍ୟନ୍ତ ବାଂଲାଦେଶରେ ହିନ୍ଦୁ ସୁରକ୍ଷିତ ନୁହଁନ୍ତି । କହିରଖୁ କି, ବାଂଲାଦେଶର ହିନ୍ଦୁ ନେତା ଭାବେଶ ଚନ୍ଦ୍ର ରାୟଙ୍କୁ ଘରୁ ଡାକି ନେଇ ପିଟି ପିଟି ହତ୍ୟା କରାଯାଇଥିଲା । ଏହାକୁ ନେଇ ତସଲିମା ତାଙ୍କ ସୋସିଆଲ ମିଡିଆ ଆକାଉଣ୍ଟରେ ଏକ ପୋଷ୍ଟ କରିଛନ୍ତି । ଯେଉଁଥିରେ ଲେଖାଯାଇଛି କି,

Advertisment

ହିନ୍ଦୁ ନେତା ଭାବେଶ ଚନ୍ଦ୍ର ରାୟଙ୍କୁ ପିଟି ପିଟି ହତ୍ୟା କରାଗଲା
ମୁଁ ଅନୁମାନ କରିପାରୁଛି ଏହି ହତ୍ୟା କେଉଁମାନେ କରିଛନ୍ତି
ୟୁନୁସ ହିନ୍ଦୁଙ୍କୁ ହତ୍ୟା କରୁଥିବା ଅପରାଧୀଙ୍କ ଉପରେ କାର୍ଯ୍ୟାନୁଷ୍ଠାନ ନେଉ ନାହାଁନ୍ତି
ବାଂଲାଦେଶରେ ହିନ୍ଦୁ ସୁରକ୍ଷିତ ଥିବା ମିଥ୍ୟା ପ୍ରଚାର କରୁଛନ୍ତି ୟୁନୁସ
ଭାରତ ମିଥ୍ୟା ପ୍ରଚାର କରୁଥିବା ୟୁନୁସ ଦାବି କରୁଛନ୍ତି
ଯଦି ୟୁନୁସ ଅଧିକ ଦିନ କ୍ଷମତାରେ ରହିବେ ତେବେ ହିନ୍ଦୁ ସମାପ୍ତ ହୋଇଯିବେ
ହିନ୍ଦୁଙ୍କୁ ରକ୍ଷା କରିବାକୁ ହେଲେ ୟୁନୁସଙ୍କୁ ଗାଦିଚ୍ୟୁତ କରିବାକୁ ପଡିବ

ତସଲିମାଙ୍କ ଏଭଳି ପୋଷ୍ଟ ପରେ ବାଂଲାଦେଶ ସମେତ ଅର୍ନ୍ତରାଷ୍ଟ୍ରୀୟ ସ୍ତରରେ ବିବାଦ ଆରମ୍ଭ ହୋଇଛି । ପୂର୍ବରୁ ବି ତସଲିମା କଟ୍ଟରପନ୍ଥୀ ଓ ଅଳ୍ପ ସଂଖ୍ୟକଙ୍କ ଉପରେ ହେଉଥିବା ଅତ୍ୟାଚାର ବିରୋଧରେ ସ୍ୱର ଉଠାଇଛନ୍ତି ।