ତତଲା କଡ଼େଇରେ ଟିଟିଲାଗଡ଼ । ଏବେଠୁ ଅସହ୍ୟ ହେଲାଣି ଖରା, ଜଳୁଛି ପଶ୍ଚିମ ଓଡ଼ିଶା ।

କନକ ବ୍ୟୁରୋ: ଏବେଠୁ ଅସହ୍ୟ ହେଲାଣି ଖରା । ଜଳୁଛି ସାରା ଓଡ଼ିଶା, ବିଶେଷ କରି ତତଲା କଡ଼େଇରେ ଭାଜି ହେଉଛି ପଶ୍ଚିମ ଓଡ଼ିଶା । ଦେଶର ସବୁଠୁ ଉତ୍ତପ୍ତ ସହର ପାଲଟିଛି ଟିଟିଲାଗଡ଼ । ଗତକାଲି ୩୮ ଦଶମିକ ୫ ଡିଗ୍ରୀ ସହ ଟିଟିଲାଗଡ଼ ଭାରତର ସବୁଠୁ ଉତ୍ତପ୍ତ ସହର ପାଲଟିଥିଲା । ଦେଶର ୧୦ ଉତ୍ତପ୍ତ ସହର ତାଲିକାରେ ଓଡ଼ିଶାରୁ ୪ ଜିଲ୍ଲା ରହିଛି । ୩୮.୨ ଡିଗ୍ରୀ ସହ ଝାରସୁଗୁଡ଼ା ଚତୁର୍ଥ ସ୍ଥାନରେ ଥିବା ବେଳେ ୩୮ ଡିଗ୍ରୀ ପାରଦ ସହ ବଲାଙ୍ଗୀର ଷଷ୍ଠ ସ୍ଥାନରେ ରହିଛି । ସେହିପର ୧୦ ନମ୍ବର ତାଲିକାରେ ରହିଛି ଅନୁଗୁଳ ।