କନକ ବ୍ୟୁରୋ : ସହଜରେ ଅଧିକ ଟଙ୍କା ରୋଜଗାର କରିବାର ଲୋଭ କେମିତି ରକ୍ଷକକୁ ଭକ୍ଷକ ବନାଇ ଦିଏ। ତାହା ଏହି ଖବରରେ ଦେଖିବାକୁ ମିଳିଛି। ଜଙ୍ଗଲରେ ବାଘ ଶିକାର କରି ବାଘ ଦାନ୍ତ, ଛାଲ ବିକ୍ରି କରୁଥିବା ଖବର ଆସିଛି । ଗଜପତି ଜିଲ୍ଲା ମୋହନାରେ ଚଢ଼ାଉ କରି ୨ ଜଣ ଶିକାରୀଙ୍କୁ ଗିରଫ କରିଛି ବନ ବିଭାଗ । ସେମାନଙ୍କ ଠାରୁ ୨ଟି ବାଘ ଦାନ୍ତ, ଗୋଟିଏ ଗୋଟିଏ ଧନୁ ତୀର, ୪ ଟି ଫାଶ ଜବତ କରିଛି । ସେହିପରି ଗଞ୍ଜାମ ଜଗନ୍ନାଥପ୍ରସାଦ ରେଞ୍ଜ ଅଞ୍ଚଳରେ ବାଘ ଛାଲ ବିକ୍ରି ପାଇଁ ଡିଲ ଚାଲିଥିବା ବେଳେ ଅତର୍କିତ ଚଢ଼ାଉ କରିଛି ବନ ବିଭାଗ । ଘଟଣାସ୍ଥଳରୁ ଗିରଫ ଅଭିଯୁକ୍ତଙ୍କ ମଧ୍ୟରେ ଜଣେ ପୂର୍ବତନ ପୁଲିସ ସବଇନ୍ସପେକ୍ଟର ରହିଥିବା ଜଣାପଡ଼ିଛି । ସେହିପରି ରାୟଗଡ଼ା ଜିଲ୍ଲା କୋଲନରା ଅଞ୍ଚଳରୁ ୨ଟି କଲରାପତରିଆ ବାଘ ଚମଡ଼ା ଜବତ ସହ ୪ ଜଣଙ୍କୁ ରାୟଗଡା ବନ ବିଭାଗ ଗିରଫ କରିଥିବା ଜଣାପଡିଛି।