କନକ ବ୍ୟୁରୋ : ନୂଆପଡ଼ା ବୋଡେନ୍ ବ୍ଲକ ବାଗବାହାଲ ଗାଁରେ ବାଘ ଆତଙ୍କ । ବିଳମ୍ବିତ ରାତିରେ ଗାଁର ଭୁଜ ହାତୀ ନାମକ ଜଣେ ଚାଷୀଙ୍କ ଗୁହାଳରୁ ୧୦ଟି ମେଣ୍ଢା ଓ ଛେଳିକୁ ମାରି ଖାଇ ଦେଇଛି ବାଘ । ଆଉ ୮ଟି ଛେଳି ଓ ମେଣ୍ଢାଙ୍କୁ ଆକ୍ରମଣ କରି ଖଣ୍ଡିଆ ଖାବରା କରି ଦେଇଥିବା ଅଭିଯୋଗ ହୋଇଛି । ଏନେଇ କ୍ଷତିଗ୍ରସ୍ତ ଚାଷୀ ବନବିଭାଗର ଦ୍ୱାରସ୍ଥ ହୋଇଥିବା ବେଳେ ବାଘକୁ ନେଇ ବାଗବାହାଲ ଗାଁ ଲୋକେ ଆତଙ୍କିତ ହୋଇ ପଡିଛନ୍ତି । ଖବର ପାଇଁ ବନ ବିଭାଗର ଏକ ଟିମ୍‌ ଗାଁରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି ।