କନକ ବ୍ୟୁରୋ : ବାପା ପୁଅଙ୍କୁ ଏସିଡ ମାଡ଼, ଗୁରୁତର ଅବସ୍ଥାରେ ମେଡ଼ିକାଲରେ ଭର୍ତ୍ତି । କନ୍ଧମାଳ ବାଲିଗୁଡ଼ା ତୁମୁଡ଼ିବନ୍ଧ ଅଞ୍ଚଳରୁ ଆସିଛି ଏଭଳି ଅଭାବନୀୟ ଖବର । ତୁମୁଡ଼ିବନ୍ଧ ଥାନା ମଣ୍ଡିଗଡ ପଞ୍ଚାୟତ ବୁଢ଼ା କୁନ୍ଦେଲ ଗାଁରେ ବାପା , ପୁଅ ଘରେ ଶୋଇଥିବା ଅବସ୍ଥାରେ କେହି ଦୁବୃର୍ତ୍ତ ସେମାନଙ୍କ ଉପରେ ଏସିଡ ପକାଇ ଫେରାର ହୋଇଯାଇଛି । ଗୁରୁତର ଅବସ୍ଥାରେ ଉଭୟ ବାପ-ପୁଅଙ୍କୁ ପ୍ରଥମେ ତୁମୁଡ଼ିବନ୍ଧ ମେଡ଼ିକାଲ ଓ ପରେ ବାଲିଗୁଡ଼ା ଉପଖଣ୍ଡ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି । କିଏ ଓ କାହିଁକି ଉଭୟଙ୍କ ଉପରେ ଏସିଡ ଆଟାକ କରିଛି ତାର କାରଣ ଅସ୍ପଷ୍ଟ ରହିଛି । ଘଟଣା ସ୍ଥଳରେ ପହଁଚି ପୁଲିସ ତଦନ୍ତ ଆରମ୍ଭ କରିଛି ।