କନକ ବ୍ୟୁରୋ : ଟାର୍ଗେଟ ନଥିବାରୁ ପଞ୍ଚାୟତ ଅଫିସ୍ ସାମ୍ନାରେ ପଡ଼ି ରହିଛି ୫ହଜାର ବସ୍ତାରୁ ଅଧିକ ଧାନ । ବଲାଙ୍ଗିର ଜିଲ୍ଲା ସଇଁତଳା ବ୍ଲକ୍ ଟିକ୍ରାପଡ଼ା ପଞ୍ଚାୟତରେ କୃଷିସମବାୟ ସମିତିରେ ଖରିଫ୍ ଧାନ କିଣିବା ପାଇଁ ମଣ୍ଡି ଖୋଲା ଯାଇଥିଲା । ଚଳିତ ବର୍ଷ ଏହି ମଣ୍ଡିରୁ ୫୧ ହଜାର କ୍ଵିଣ୍ଟାଲରୁ ଅଧିକ ଧାନ କିଣିବା ଯୋଜନା କରାଯାଇଛି । ଅଦ୍ୟାବଧି ୨୫ ହଜାର କ୍ଵିଣ୍ଟାଲ ଧାନ କିଣା ସରିଲାଣି । କିନ୍ତୁ ଗତ ୧୩ ଜାନୁଆରୀ ଠାରୁ ଟାର୍ଗେଟ ସରିଯିବା ଯୋଗୁଁ ମଣ୍ଡି ସାମ୍ନାରେ ୫ହଜାରରୁ ଅଧିକ ଧାନ ବସ୍ତା ପଡ଼ିରହିଛି । ଟ୍ରକରେ ବି ଧାନ ରଖାଯାଇଛି । ସବୁ ମିଶାଇ ପାଖପାଖି ୮ହଜାର କ୍ବିଣ୍ଟାଲ ଧାନ ଥିବା ଜଣାପଡ଼ିଛି । ଏହି ମଣ୍ଡିରେ ଟିକ୍ରାପଡ଼ା, ଝିଙ୍କିଦୁଙ୍ଗୁରି ଏବଂ ଯୁରବନ୍ଧ ପଞ୍ଚାୟତ ଅଞ୍ଚଳର ଚାଷ ଧାନ ବିକିବା ପାଇଁ ଆଣିଛନ୍ତି । ପଞ୍ଚାୟତ ଅଫିସ୍ ସାମ୍ନାରେ ଧାନ ବସ୍ତା ରଖିଥିବାରୁ ହିତାଧିକାରିମାନେ ଅଫିସ୍ ଭିତରକୁ ଯିବା ଆସିବାରେ ଅସୁବିଧାର ସମ୍ମୁଖୀନ ହେଉଛନ୍ତି । 

Advertisment