ନା’ ଡିଜେ ନା’ ନିଶା : କଟକରେ ଏଥର ଡିଜେମୁକ୍ତ ଭସାଣି ଆଉ ନିଶାମୁକ୍ତ ରୋଷଣି

କନକ ବ୍ୟୁରୋ : କଟକରେ ଏଥର ଡିଜେମୁକ୍ତ ଭସାଣି ଏବଂ ନିଶାମୁକ୍ତ ରୋଷଣି । କମିଶନରେଟ ପୁଲିସର ଦୁର୍ଗାପୁଜା ପ୍ରସ୍ତୁତି ବୈଠକରେ କିଛି ଏଭଳି ନିଷ୍ପତ୍ତି ହୋଇଛି । ମେଲୋଡ଼ିରେ ଅଶ୍ଳୀଳତା ଉପରେ ରୋକ୍ ଲାଗିବ । ଡିଜେ ମୁକ୍ତ ଭସାଣି, ନିଶା ମୁକ୍ତ ରୋଷଣି, ଭିଡ଼ ସହ ଟ୍ରାଫିକ ଏବଂ ଅପରାଧିକ କାର୍ଯ୍ୟକଳାପ ଉପରେ ନଜର ରଖିବ ଏଆଇ କ୍ୟାମେରା । ମହିଳାଙ୍କ ପାଇଁ ରହିବ ଟଏଲେଟ୍ । ଏଥର ପୂଜାରେ ପ୍ରଥମକରି ଖୋଲିବ ହେଲ୍ପ ଡେସ୍କ । ଭସାଣିରେ ପାରମ୍ପରିକ ବାଦ୍ୟ ବ୍ୟବହାର ସହ ଯେଉଁମାନେ ଏହାକୁ ପାଳନ କରିବେ ସେମାନଙ୍କୁ ପୁଲିସ ସମ୍ମାନିତ କରିବ। ଜୋର ଜବରଦସ୍ତି ଚାନ୍ଦା ଆଦାୟ କରାଯାଇପାରିବ ନାହିଁ । ଟ୍ରାଫିକ, ଭିଡ଼ ନିୟନ୍ତ୍ରଣ, ଶାନ୍ତି ଶୃଙ୍ଖଳାରେ ପୂଜା ଓ ଭସାଣି ସମାପନ କରିବା ପାଇଁ ପୁଲିସ ତିଆରି କରିଛି ବ୍ଲୁ ପ୍ରିଣ୍ଟ୍ ।