ଲୋକଙ୍କ ସହ ଗପି ଗପି ଲକ୍ଷାଧିକ ଟଙ୍କା ରୋଜଗାର ।  ବର୍ଷକୁ ଆସୁଛି  ୬୯ ଲକ୍ଷ ..

କନକ ବ୍ୟୁରୋ : କିଛି କାମ କାର୍ଯ୍ୟ ନକରି  ବର୍ଷକୁ  ୬୯ ଲକ୍ଷ ଟଙ୍କା ରୋଜଗାର କରୁଛନ୍ତି  ଯୁବକ ।  ଏହା ଶୁଣିକି ଆପଣ ଆଶ୍ଚର୍ଯ୍ୟ ହେଉଥିବେ  ଆଉ ଭାବୁଥିବେ ଯେ କିଛି କାମ ନ କରି ଲକ୍ଷ ଲକ୍ଷ ଟଙ୍କା ରୋଜଗାର  କିପରି କରୁଛନ୍ତି ।  ଆସନ୍ତୁ ଜାଣିବା କିପରି  ? ଗୋଟିଏ  ପଟେ ଏଲ  ଆଣ୍ଡ ଟି’ ର ଚେୟାରମ୍ୟାନ  ଏସଏନ୍‌  ସୁବ୍ରମଣ୍ୟମ ନିଜ କର୍ମଚାରୀଙ୍କୁ  ସପ୍ତାହକୁ ୯୦ ଘଣ୍ଟା କାମ  କରିବାକୁ କହୁଥିବାବେଳେ  କିନ୍ତୁ  ଜାପାନର ଜଣେ ଯୁବକ  କିଛି କାମ କାର୍ଯ୍ୟ ନକରି ବର୍ଷକୁ  ୬୯ ଲକ୍ଷ ରୋଜଗାର କରିନେଇଥାଆନ୍ତି । ଜାପାନରେ ରହୁଥିବା ଶୋଝି ମୋରିମୋଟୋ  ଚାକିରି କରନ୍ତି  ନାହିଁ  ।  ତଥାପି   ଅତି ସହଜରେ ଲକ୍ଷ ଲକ୍ଷ ଟଙ୍କା ରୋଜଗାର କରିନେଇଥାଆନ୍ତି ।   ଲୋକଙ୍କ ସହ ସମୟ ବିତେଇଥାଆନ୍ତି ଆଉ ଏଥିପାଇଁ ମୋଟା ଅଙ୍କର  ଫିସ୍‌ ନେଇଥାଆନ୍ତି ।

ଏହି ଭାବେ ସେ ବର୍ଷକୁ ୬୯ ଲକ୍ଷ ଟଙ୍କା ରୋଜଗାର କରିଥାଆନ୍ତି। ତାଙ୍କର ଏହିକାମକୁ ଲୋକେ ଖୁବ୍‌ ପସନ୍ଦ ମଧ୍ୟ କରି ଥାଆନ୍ତି । ତେବେ   ମୋରିମୋଟୋଙ୍କ ମୁଖ୍ୟ କାମ  ଲୋକଙ୍କୁ  ଇମୋସନାଲ ସପୋର୍ଟ କରିବା ଏବଂ ବ୍ୟକ୍ତିଙ୍କ ଏକଲାପଣ ଦୂର କରିବା । ମୋରିମୋଟୋ  ଅନେକ ଥର ଏପରି ଲୋକଙ୍କ ସହ  ବସି  ଲଞ୍ଚ ମଧ୍ୟ କରିଥାଆନ୍ତି । ତାଙ୍କର ଏହି କାମ ଏବେ ଖୁବ୍‌ ଚର୍ଚ୍ଚାରେ । ମୋରିମୋଟୋଙ୍କ କହିବା କଥା  ଅନେକ ଥର ମୋତେ କିଛି କାମ ପସନ୍ଦ ନଆସିଲେ  ମୁଁ ମନା କରିଦେଇଥାଏ।  ଯେମିତି କି  ମୋତେ ପପ୍‌ କନ୍‌ସର୍ଟରେ ଯିବା ପସନ୍ଦ  ନୁହେଁ । ତେବେ ଏଠି  ଆମେ କହିଦେଉଛି ଯେ,  ଜାପାନରେ  ଏକଲାପଣ  ବହୁତ ବଡ ସମସ୍ୟା । ଏକ ରିପୋର୍ଟ ଅନୁସାରେ ଜାପାନରେ  ବର୍ତ୍ତମାନ  ପାଖାପାଖି  ୪୦ ହଜାର  ଲୋକଙ୍କ  ମୃତ୍ୟୁ  ଘଟିଛି । ଉଇକିପିଡିଆ ଅନୁସାରେ ଜାପାନରେ  ଆତ୍ମହତ୍ୟା କୁ ଏକ ପ୍ରମୁଖ ସାମାଜିକ  ମୁଦ୍ଦା ମନେକରାଯାଇଥାଏ । ଏଥିସହିତ  G7  ବିକଶିତ ଦେଶ ମାନଙ୍କ ମଧ୍ୟରେ  ଜାପାନ ଆତ୍ମହତ୍ୟା ମାମଲାରେ ଦ୍ବିତୀୟ ସ୍ଥାନରେ ଅଛି।   ମହିଳା ଆତ୍ମହତ୍ୟା ସଂଖ୍ୟାରେ  ଲଗାତାର ବୃଦ୍ଧି ଘଟୁଛି।