କନକ ବ୍ୟୁରୋ : ଚାଷ କାମ ଆପଣାଇଛନ୍ତି ପୂର୍ବତନ ବିଧାୟକ । ଚାଷ କରି ଅନ୍ୟପାଇଁ ପାଲଟିଛନ୍ତି ପ୍ରେରଣା । ଫୁଲବାଣୀର ପୂର୍ବତନ ବିଧାୟକ ଅଙ୍ଗଦ କହଁର ପରିଣତ ବୟସରେ ମଧ୍ୟ ବିଲରେ ଚାଷ କରୁଛନ୍ତି । କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକର ଚାରିଚାରି ଥର ସରପଞ୍ଚ, ଜିଲ୍ଲା ପରିଷଦ ସଦସ୍ୟ, ବ୍ଲକ ଅଧ୍ୟକ୍ଷ ପୁଣି ୨୦୧୯ ରୁ ୨୦୨୪ ବିଧାୟକ ହୋଇଛନ୍ତି । ରାଜନୀତି କରିବାପରେ ମଧ୍ୟ ସେ ଛାଡ଼ିପାରି ନାହାନ୍ତି ନିଜ କୌଳିକ ବୃତ୍ତି ।  ଏବେ ଵି ଲଙ୍ଗଳ ଧରି ତାଙ୍କୁ ଵିଲରେ ଚାଷ କରୁଥିବା ଦେଖିବାକୁ ମିଳୁଛି । ପୂର୍ବତନ ବିଧାୟକଙ୍କ ରାଜନୀତିରେ ଏତେ ସଫଳତା ପରେ ମଧ୍ୟ ସେ ଭୁଲିନାହାନ୍ତି ନିଜ କୌଳିକ ବୃତ୍ତିକୁ । ବିଜୁ ଜନତା ଦଳର ବିଧାୟକ ଥିଲେ ଅଙ୍ଗଦ । ସେତେବେଳେ ମଧ୍ୟ ସମୟ ମିଳିଲେ ସେ ହାତରେ ଲଙ୍ଗଳ ଧରି ବିଲକୁ ଯାଉଥିଲେ । ଗତ ନିର୍ବାଚନରେ ପରାଜିତ ହେବା ପରେ ସେ ସମ୍ପୂର୍ଣ୍ଣ ରୂପେ କୃଷି କାମରେ ମନୋନିବେଶ କରିଛନ୍ତି। ବିହ‌ନ ବୁଣିବା ଠାରୁ ଆରମ୍ଭ କରି କୋଡା ଖୋଷା ପର୍ଯ୍ୟନ୍ତ ସବୁ ନିଜେ କରୁଛନ୍ତି । ଏଠାରେ ଧାନ ଚାଷ ସହିତ ବିଭିନ୍ନ ରକମର ପନିପରିବା ମଧ୍ୟ ଉତ୍ପାଦନ କରୁଛନ୍ତି ପୂର୍ବତନ ବିଧାୟକ ।