କନକ ବ୍ୟୁରୋ : ପୁରୀ ଜିଲ୍ଲା ଗୋପ ଅଞ୍ଚଳରେ କଳା ପଲସର ଆତଙ୍କ । ଆଖି ପିଛୁଳାକେ ଆସି ଝାମ୍ପି ନେଉଛନ୍ତି ଟଙ୍କା । ଆଜି ଜଣେ ବ୍ୟକ୍ତି ବ୍ୟାଙ୍କରୁ ଟଙ୍କା ଉଠାଇ ଫେରୁଥିବା ବେଳେ ତାଙ୍କ ସ୍କୁଟି ଡିକି ଭାଙ୍ଗି ୫୦ ହଜାର ଟଙ୍କା ନେଇଯାଇଛନ୍ତି । ଗୋପ-କୋଣାର୍କ ରାସ୍ତାର ବେଗୁନିଆ ଛକରେ ଥିବା ଗ୍ରାମ୍ୟ ବ୍ୟାଙ୍କ ସମ୍ମୁଖରୁ ଏହି ଲୁଟ୍ ହୋଇଛି । ଲୁଟର ଶିକାର ବ୍ୟକ୍ତି ପୂର୍ଣ୍ଣଚନ୍ଦ୍ର ପରିଡା ଏନେଇ ଗୋପ ଥାନାରେ ଅଭିଯୋଗ କରିବା ପରେ ପୋଲିସ ତଦନ୍ତ ଆରମ୍ଭ କରିଛି । ପୂର୍ଣ୍ଣଚନ୍ଦ୍ର ବ୍ୟାଙ୍କରୁ ଟଙ୍କା ଉଠାଇ ନେଉଥିଲେ । ଗ୍ରାମ୍ୟ ବ୍ୟାଙ୍କ ସାମ୍ନାରେ ଗାଡି ରଖି ଅନ୍ୟ କିଛି କାମରେ ଯାଇଥିବା ବେଳେ କଳା ପଲସର ଗାଡିରେ ୨ଜଣ ଦୁର୍ବୃତ୍ତ ଆସି ଗାଡି ଡିକି ଭାଙ୍ଗି ଟଙ୍କା ନେଇଯାଇଥିଲେ ।