ବିଇଏମସି ବୈଠକରେ ହୋହଲ୍ଲା, ବିଜେଡି କର୍ପୋରେଟର ଦୁଇଫାଳ

କନକ ବ୍ୟୁରୋ : ବ୍ରହ୍ମପୁର ମହାନଗର ନିଗମରେ ଷ୍ଟାଣ୍ଡିଂ କମିଟିକୁ ନେଇ ବିବାଦ ଲାଗି ରହିଛି । ଆଜି ବୈଠକରେ ବିଜେଡିର ଗୋଟିଏ ଗୋଷ୍ଠୀ କର୍ପୋରେଟର ଷ୍ଟାଣ୍ଡିଂ କମିଟିକୁ  ବିରୋଧ କରିଥିଲେ । ବୈଠକ ତାରିଖକୁ ନେଇ ବି ପାଟିତୁଣ୍ଡ ହୋଇଥିଲା । ନୂଆ ଷ୍ଟାଣ୍ଡିଂ କମିଟି ପାଇଁ ଗୋଟିଏ ଗୋଷ୍ଠୀ ବିଜେଡି କର୍ପୋରେଟର ଦାବି କରିଥିଲେ । ଏହାକୁ ମେୟରଙ୍କ ସମର୍ଥକ ଗ୍ରହଣ ନ କରିବାରୁ ହୋହଲ୍ଲା ହୋଇଥିଲା । ଅନ୍ୟ ଗୋଷ୍ଠୀ କର୍ପୋରେଟର ବିଜେଡି ସୁପ୍ରିମୋଙ୍କୁ ଇସ୍ତଫାପତ୍ର  ପଠାଇ ଦେଇଛନ୍ତି । 

କମିଶନରଙ୍କ ସହ ୨୬ ନମ୍ବର କର୍ପୋରେଟଙ୍କର ବଚସା ହୋଇଥିଲା । ବୈଠକରେ କମିଶନର ରହିବା କିଛି ଆବଶ୍ୟକ ନାହିଁ ବୋଲି କର୍ପୋରେଟର କହିବାରୁ କମିଶନର ବୈଠକ ଛାଡ଼ି ପଳାଇଥିଲେ ।  ବିବାଦ ବଢ଼ିବାରୁ ମେୟରଙ୍କ ବିରୋଧୀ କର୍ପୋରେଟର ଗୋଷ୍ଠୀ ମୁଖ୍ୟ ଫାଟକରେ ଧାରଣା ଦେଇଥିଲେ । ବ୍ରହ୍ମପୁରରେ ବିଜେଡିର ଦୁଇଗୋଷ୍ଠୀ କର୍ପୋରେଟରଙ୍କ ମଧ୍ୟରେ ବିବାଦ ଚର୍ଚ୍ଚାର ବିଷୟ ହୋଇଛି ।