କଟକ ଭୁଆଶୁଣୀ ମନ୍ଦିରକୁ ଯିବାକୁ ନାହିଁ ରାସ୍ତା ; ଭରସା ସାଜିଛି କଂକ୍ରିଟ୍ ବିଦ୍ୟୁତ୍ ଖୁଣ୍ଟ

କନକ ବ୍ୟୁରୋ : କଟକ ଭୁଆସୁଣୀ ମନ୍ଦିରକୁ ଯିବାକୁ ଭରସା କଂକ୍ରିଟ୍ ଖୁଣ୍ଟ । କାର୍ତ୍ତିକ ମାସରେ ମାଆଙ୍କ ପୀଠକୁ ଶ୍ରଦ୍ଧାଳୁଙ୍କ ସୁଅ ଛୁଟିଥିବା ବେଳେ ଯାତାୟାତରେ ନାନା ଅସୁବିଧାର ସମ୍ମୁଖୀନ ହେଉଛନ୍ତି । ସ୍ଥାୟୀ ପୋଲ କେବେ ହେବ କାହା ପାଖେ ଉତ୍ତର ନାହିଁ । କଟକ ସହରର ଏକ ନମ୍ବର ୱାର୍ଡରେ ଥିବା ମାଆ ଭୁଆସୁଣୀ ପୀଠକୁ ହୋଇଛି ରାସ୍ତା । ନଦୀ ପଠାରେ ଥିବା ମନ୍ଦିର ଯିବାକୁ ହେଲେ ସେଠାରେ ପଡ଼ିଥିବା ବିଦ୍ୟୁତ୍ ଖୁଣ୍ଟ ହିଁ ସାଜିଛି ଲୋକଙ୍କ ସାହା ଭରସା ।

ଏବେ କାର୍ତ୍ତିକ ମାସ ଚାଲିଥିବାରୁ ପୀଠକୁ ଦୈନିକ ଶହଶହ ଶ୍ରଦ୍ଧାଳୁଙ୍କ ସମାଗମ ହେଉଛି । ମାତ୍ର ମାଆଙ୍କ ପାଖକୁ ଯିବାକୁ ଏମିତି ଅସୁବିଧାର ସମ୍ମୁଖୀନ ହେଉଛନ୍ତି ଭକ୍ତ । ମାଆଙ୍କ ମନ୍ଦିରକୁ ଯିବା ପାଇଁ ଏକ ଅସ୍ଥାୟୀ ରାସ୍ତା ନିର୍ମାଣ ହୋଇଥିଲା । ବର୍ଷା ଯୋଗୁଁ ରାସ୍ତା ଅଧାରୁ ଭାଙ୍ଗି ଯାଇଥିବାବେଳେ ସେଠାରେ ଏକ ବିଦ୍ୟୁତ୍ ଖୁଣ୍ଟ ପକାଯାଇଛି । ଆଉ ବାଉଁଶକୁ ଆଶ୍ରା କରି ବିଦ୍ୟୁତ୍ ଖୁଣ୍ଟ ଉପର ଦେଇ ମାଆଙ୍କ ପୀଠକୁ ଯା ଆସ କରୁଛନ୍ତି ଲୋକେ । ବାରମ୍ବାର ଅଭିଯୋଗ କଲେ ବି ସମସ୍ୟାର ସମାଧାନ ହେଉନାହିଁ ।