କନକ ବ୍ୟୁରୋ : ଯୁବକଙ୍କୁ ମରଣାନ୍ତକ ଆକ୍ରମଣ, ବିଚ୍ ରାସ୍ତାରେ ଗୋଡାଇ ଗୋଡ଼ାଇ ହାଣିଲେ ଆକ୍ରମଣକାରୀ । ସିସିଟିଭି କ୍ୟାମେରାରେ କଏଦ ହେଲା ଆକ୍ରମଣ ବେଳର ଭିଡ଼ିଓ । ଗଞ୍ଜାମ ସଦର ଥାନା ଗୁଣ୍ଠବନ୍ଧ ଗାଁରେ ଏଭଳି ଚାଞ୍ଚଲ୍ୟ ଦେଖିବାକୁ ମିଳିଛି । ପୂର୍ବ ଶତ୍ରୁତାକୁ ନେଇ ନାରାୟଣ ଜେନା ନାମକ ଯୁବକଙ୍କୁ ସଂଘବଦ୍ଧ ଆକ୍ରମଣ କରାଯାଇଛି । ନାରାୟଣ ବାଇକ ଯୋଗେ ଯାଉଥିବା ବେଳେ ଆକ୍ରମଣକାରୀ ମାନେ ତାଙ୍କ ଉପରେ ଆକ୍ରମଣ କରିବା ସହ ଗୋଡ଼ାଇ ଗୋଡ଼ାଇ ହାଣିଛନ୍ତି । ନାରାୟଣଙ୍କ ମୁଣ୍ଡ ଓ ଦୁଇ ଗୋଡ଼ରେ ଗଭୀର ଆଘାତ ଲାଗିଥିବା ବେଳେ ତାଙ୍କୁ ଗୁରୁତର ଅବସ୍ଥାରେ ଏମକେସିଜି ମେଡ଼ିକାଲରେ ଭର୍ତ୍ତି କରାଯାଇଛି ।