୨୦୨୬ ବର୍ଷ ହେବ ଅଦ୍ଭୁତ: ୧୨ ନୁହେଁ ଏଥର ପଡ଼ିବ ୧୩ ମାସ!

କନକ ବ୍ୟୁରୋ: ଜ୍ୟୋତିଷମାନଙ୍କ ଅନୁସାରେ, ନୂତନ ବର୍ଷ ୨୦୨୬ ଅନେକ ଦୃଷ୍ଟିରୁ ବହୁତ ବିଶେଷ ରହିବ । ଏହି ବର୍ଷ ଏକ ବଡ଼ ସଂଯୋଗ ହେବାକୁ ଯାଉଛି, ଯେଉଁଥିରେ ୨୦୨୬ ମସିହାରେ ୧୨ ନୁହେଁ ବରଂ ୧୩ ମାସ ରହିବ । ଅର୍ଥାତ୍ ବିକ୍ରମ ସମ୍ବତ ୨୦୮୩ରେ ଏକ ଅତିରିକ୍ତ ଚନ୍ଦ୍ର ମାସ ଯୋଡି ହୋଇଯିବ । ଏହି କାରଣରୁ ୨୦୨୬ ମସିହାର ଜ୍ୟେଷ୍ଠ ମାସରେ ଅଧିକମାସ ପଡିବ । ଏହି ଦୁର୍ଲଭ ସ୍ଥିତି ହେତୁ ଜ୍ୟେଷ୍ଠ ମାସ ପ୍ରାୟ ୬୦ ଦିନ ପର୍ଯ୍ୟନ୍ତ ଚାଲିବ, ଯାହା ଫଳରେ ଏହି ବର୍ଷ ମୋଟ ୧୩ ମାସର ହୋଇଯିବ ।

ଜ୍ୟୋତିଷ ଶାସ୍ତ୍ର ଅନୁସାରେ, ଏହି ସ୍ଥିତି ସେତେବେଳେ ସୃଷ୍ଟି ହୁଏ ଯେତେବେଳେ ଚନ୍ଦ୍ର ପଞ୍ଜିକା (କ୍ୟାଲେଣ୍ଡର) ଏବଂ ସୂର୍ଯ୍ୟ ପଞ୍ଜିକାର ଗଣନାରେ ଅନ୍ତର ଥାଏ। ଧାର୍ମିକ ବିଶ୍ୱାସ ଅନୁଯାୟୀ, ଅଧିକମାସର ସମୟ ଅତ୍ୟନ୍ତ ପବିତ୍ର ବୋଲି ଧରାଯାଏ। କିନ୍ତୁ ଏହି ସମୟରେ କରାଯାଇଥିବା ଛୋଟ ଭୁଲ ମଧ୍ୟ ବ୍ୟକ୍ତିର ପୁରା ବର୍ଷ ଉପରେ ପ୍ରଭାବ ପକାଇପାରେ। ସେଥିପାଇଁ ଏହି ସମୟରେ କିଛି ବିଶେଷ ଉପାୟ କରିବା ଉଚିତ୍, ଯାହା ନୂତନ ବର୍ଷକୁ ଖୁସିରେ ଭରିଦେବ। ଆସନ୍ତୁ ଜାଣିବା ସେହି ଉପାୟଗୁଡ଼ିକ ବିଷୟରେ।

ଆହୁରି ପଢ଼ନ୍ତୁ... ସାବଧାନ ଧନୁ ରାଶି : କଳହ ମାଲିମକଦ୍ଦମାରୁ ଦୂରେଇ ରୁହନ୍ତୁ...

କେବେ ପଡିବ ଅଧିକମାସ ୨୦୨୬?
ଦ୍ରିକ ପଞ୍ଚାଙ୍ଗ ଅନୁସାରେ, ୨୦୨୬ ମସିହାରେ ଜ୍ୟେଷ୍ଠ ମାସ ୨୨ ମେ’ରୁ ଆରମ୍ଭ ହୋଇ ୨୯ ଜୁନ୍ ୨୦୨୬ ପର୍ଯ୍ୟନ୍ତ ଚାଲିବ। ଏହା ପୂର୍ବରୁ ୧୭ ମେ ୨୦୨୬ରୁ ଅଧିକମାସ ଆରମ୍ଭ ହେବ, ଯାହା ୧୫ ଜୁନ୍ ୨୦୨୬ରେ ଶେଷ ହେବ। ଯେତେବେଳେ ପଞ୍ଚାଙ୍ଗରେ ଗୋଟିଏ ମାସ ଦୁଇଥର ଆସେ, ତେବେ ତାହାକୁ ପୁରୁଷୋତ୍ତମ ମାସ କିମ୍ବା ଅଧିକମାସ କୁହାଯାଏ। ଏହି ସମୟ ଅତ୍ୟନ୍ତ ବିଶେଷ ଏବଂ ଧାର୍ମିକ ଦୃଷ୍ଟିରୁ ଶୁଭ ବୋଲି ବିବେଚନା କରାଯାଏ।

ଅଧିକମାସ ୨୦୨୬ କ’ଣ?
ଚନ୍ଦ୍ର ଏବଂ ସୂର୍ୟ୍ୟଙ୍କ ଗଣନାରେ ଯେଉଁ ପାର୍ଥକ୍ୟ ସମୟ ସମୟରେ ବଢିଚାଲେ, ତାହାକୁ ସନ୍ତୁଳିତ କରିବା ପାଇଁ ପଞ୍ଚାଙ୍ଗରେ ଏକ ଅତିରିକ୍ତ ମାସ ଯୋଡି ଦିଆଯାଏ। ପ୍ରାୟ ପ୍ରତି ୩୨ ମାସରେ ପାଖାପାଖି ୧୬ ଦିନ ଏବଂ କିଛି ଘଣ୍ଟା ମିଶି ଏକ ପୁରା ମାସ ସହିତ ସମାନ ହୋଇଯାଏ । ଏହି ଅତିରିକ୍ତ ସମୟକୁ ସନାତନ ଧର୍ମରେ ଅଧିକମାସ କୁହାଯାଏ ।

ଅଧିକମାସରେ ନିଶ୍ଚୟ କରନ୍ତୁ ଏହି ବିଶେଷ ଉପାୟ
ପ୍ରତିଦିନ ସକାଳେ ଘରେ ଦୀପ ଜଳାନ୍ତୁ: ଅଧିକମାସ ସମୟରେ ତୁଳସୀଙ୍କ ନିକଟରେ କିମ୍ବା ଭଗବାନ ବିଷ୍ଣୁଙ୍କ ସାମନାରେ ସୋରିଷ ତେଲ କିମ୍ବା ଘିଅର ଦୀପ ପ୍ରତିଦିନ ଜଳାନ୍ତୁ । ଏହାଦ୍ୱାରା ଘରର ବାତାବରଣ ପବିତ୍ର, ଶାନ୍ତ ଏବଂ ସକାରାତ୍ମକ ରହିବ ବୋଲି ବିଶ୍ୱାସ ରହିଛି ।

ପକ୍ଷୀମାନଙ୍କୁ ଦାନା ଏବଂ ପାଣି ଦିଅନ୍ତୁ: ଅଧିକମାସରେ ଛାତ କିମ୍ବା ବାଲକୋନିରେ ମାଟି ପାତ୍ରରେ ପାଣି ଭରନ୍ତୁ ଏବଂ ଦାନା ପକାନ୍ତୁ । ଅଧିକମାସରେ ପକ୍ଷୀମାନଙ୍କର ସେବା ଅତ୍ୟନ୍ତ ପୁଣ୍ୟଦାୟୀ ବୋଲି ବିଶ୍ୱାସ ରହିଛି । 

ଅଭାବୀ ଲୋକଙ୍କୁ ଭୋଜନ କରାନ୍ତୁ: ଏହି ସମୟରେ ଗରିବ, ଶ୍ରମିକ କିମ୍ବା ଅଭାବୀ ଲୋକଙ୍କୁ ଭୋଜନ କରାନ୍ତୁ । ଏହାକୁ ସର୍ବଶ୍ରେଷ୍ଠ ଦାନ ବୋଲି ମାନାଯାଏ ।