ମହିଳା ଉଦ୍ୟୋଗୀଙ୍କୁ ସଶକ୍ତ କରିବାକୁ ଆରମ୍ଭ ହୋଇଥିଲା ମହିଳା ବ୍ୟବସାୟ ମେଳା, ଆଜି ରାଜ୍ୟପାଳ କଲେ ଉଦଯାପନ

କନକ ବ୍ୟୁରୋ : ଉଦଯାପିତ ହୋଇଯାଇଛି ଆଇଏନଡବ୍ଲୁଇସି ଜାତୀୟ ମହିଳା ବ୍ୟବସାୟ ମେଳା । ବ୍ୟବସାୟରେ ମହିଳା ଉଦ୍ୟୋଗୀଙ୍କୁ ସଶକ୍ତ କରିବା ଲକ୍ଷ୍ୟ ନେଇ ଆରମ୍ଭ ହୋଇଥିଲା ଆଇଏନଡବ୍ଲୁଇସି ମହିଳା ବ୍ୟବସାୟ ମେଳା ୨.୦ । ଶେଷ ଦିନରେ ମହାମହିମ ରାଜ୍ୟପାଳ ଡକ୍ଟର ହରି ବାବୁ କମ୍ଭମପତିଙ୍କ ସହିତ ପ୍ରସିଦ୍ଧ ବ୍ୟକ୍ତିତ୍ୱମାନେ ଯେପରିକି ପ୍ରସିଦ୍ଧ ବିଜ୍ଞାପନ ଚଳଚ୍ଚିତ୍ର ନିର୍ମାତା ପ୍ରହଲ୍ଲାଦ କକ୍କର ଏବଂ ଆଧ୍ୟାତ୍ମିକ ମାର୍ଗଦର୍ଶକ ଓ ବିଶେଷଜ୍ଞ ଡକ୍ଟର ଜୟ ମଦାନ ପ୍ରମୁଖ ଉପସ୍ଥିତ ରହି ମହିଳା ଉଦ୍ୟୋଗୀଙ୍କୁ ଉତ୍ସାହିତ କରିଥିଲେ  । ଏହି କାର୍ଯ୍ୟକ୍ରମରେ  ଆଦିବାସୀ ଷ୍ଟଲ୍ ମାଲିକମାନଙ୍କୁ ସମ୍ମାନିତ କରାଯାଇଥିଲା । ଷ୍ଟାର୍ଟଅପ୍, ସ୍ୱୟଂ ସହାୟକ ଗୋଷ୍ଠୀ ଏସଏଚଜି ଏବଂ ବ୍ୟବସାୟ ଏବଂ ସମ୍ପ୍ରଦାୟ ବିକାଶରେ ଗୁରୁତ୍ୱପୂର୍ଣ୍ଣ ଅବଦାନ ଦେଇଥିବା ବ୍ୟକ୍ତିବିଶେଷଙ୍କୁ ସମ୍ମାନିତ କରାଯାଇଥିଲା। କାର୍ଯ୍ୟକ୍ରମର ଏକ ଅଂଶ ଭାବରେ ଅନେକ ବିଶିଷ୍ଟ ବ୍ୟକ୍ତିଙ୍କୁ ସେମାନଙ୍କର ଉଲ୍ଲେଖନୀୟ ସଫଳତା ପାଇଁ ସମ୍ମାନିତ କରାଯାଇଥିଲା । ଡକ୍ଟର ମାୟା ଗନ୍ତାୟତଙ୍କୁ ଓଡ଼ିଶାର ମାନ୍ୟବର ରାଜ୍ୟପାଳଙ୍କଠାରୁ ଚିକିତ୍ସା କ୍ଷେତ୍ରରେ ଜୀବନବ୍ୟାପୀ ସାଧନା ପୁରସ୍କାର ମିଳିଥିଲା । ସେହିଭଳି ସିନେମା କ୍ଷେତ୍ରରେ ନିଜ ପାରଦର୍ଶିତା ପାଇଁ ସମ୍ମାନିତ ହୋଇଥିଲେ ଅନୁପମ ପଟ୍ଟନାୟକ ଏବଂ ବର୍ଷା ପଟ୍ଟନାୟକ ।  ଡିଜାଇନ୍, ବ୍ରାଣ୍ଡିଂ ଆଦି କ୍ଷେତ୍ରରେ ଅସାଧାରଣ କାର୍ଯ୍ୟଦକ୍ଷତା  ପାଇଁ ନିଶା ଜାମୱାଲଙ୍କୁ ସମ୍ମାନିତ କରାଯାଇଥିଲା। ଜ୍ୟୋତିଷ, ବାସ୍ତୁ ଏବଂ ସାମଗ୍ରିକ ସୁସ୍ଥତାରେ ଗୁରୁତ୍ୱପୂର୍ଣ୍ଣ ଅବଦାନ ପାଇଁ ଡକ୍ଟର ଜୟ ମଦନଙ୍କୁ ସମ୍ମାନିତ କରାଯାଇଥିଲା। ଡକ୍ଟର ଜୟ ମଦନଙ୍କ ସହିତ ଏକ  ଅଧିବେଶନ "ବ୍ୟବସାୟରେ ମହିଳାମାନଙ୍କ ପାଇଁ ଆଧ୍ୟାତ୍ମିକତାର ଭୂମିକା" ବିଷୟରେ ଆଲୋଚନା ହୋଇଥିଲା । ଏହି ମେଳା ଟାର୍ଗେଟ ପୁରା କଲା ଭଳି ବ୍ୟବସାୟ ଦେଇଥିବା ବେଳେ ଆଗାମୀ ଦିନରେ ନୂଆ ସ୍ୱପ୍ନ ନେଇ କାର୍ଯ୍ୟକ୍ରମ କରିବା ପାଇଁ ଲକ୍ଷ୍ୟ ରଖିବୁ ବୋଲି କହିଛନ୍ତି କନଭେନର ।