ପାର୍ବଣ ପାଇଁ ଉତ୍ସବ ମୁଖର ସାରା ରାଜ୍ୟ, ଶକ୍ତିପୀଠମାନଙ୍କରେ ଆଜିଠୁ ସପ୍ତମୀ ।

କନକବ୍ୟୁରୋ: ପାର୍ବଣ ପାଇଁ ଉତ୍ସବ ମୁଖର ସାରା ରାଜ୍ୟ। ଶକ୍ତିପୀଠମାନଙ୍କରେ ଆଜିଠୁ ସପ୍ତମୀ ପୂଜା। ପୂଜା ମଣ୍ଡପରେ ଆଜିଠୁ ଆରମ୍ଭ ହେଉଛି ଷଷ୍ଠି ପୂଜା।  ଚିକିମିକି ଆଲୋକରେ ଝଲସୁଛି ଟୁଇନ ସିଟି । ନବରାତ୍ରରେ ପ୍ରତ୍ୟେକ ଦିନ ଭିନ୍ନ ଭିନ୍ନ ଦେଶରେ ଭକ୍ତଙ୍କୁ ଦର୍ଶନ ଦେଉଛନ୍ତି ଜଗତଜନନୀ । ଯାଜପୁରର ଅଧିଷ୍ଠାତ୍ରୀ ମାଆ ବିରଜାଙ୍କ ପୀଠରେ ମହାଆଡ଼ମ୍ବରରେ ଚାଲିଛି ପୂଜାର୍ଚ୍ଚନା । ହୋମଯଜ୍ଞ ସହ ଷୋଡ଼ଶ ଉପଚାର ପୂଜା ଅବସରରେ ପ୍ରତିଦିନ ସନ୍ଧ୍ୟାରେ ରଥରେ ବସି ବେଢ଼ା ପରିକ୍ରମା କରୁଛନ୍ତି ମାଆ । ସେପଟେ କଟକର ଚଣ୍ଡୀ ମନ୍ଦିରରେ ଅନୁଷ୍ଠିତ ହୋଇଛି ଷଷ୍ଠୀ ପୂଜା । ମାଆଙ୍କ ଗାୟତ୍ରୀ ବେଶ ଦର୍ଶନ ପାଇଁ ଭକ୍ତଙ୍କ ଭିଡ଼ ଜମୁଛି ।

ଟ୍ବିନ୍‌ ସିଟିରେ ସମସ୍ତ ପ୍ରସ୍ତୁତି ଶେଷ ହୋଇଥିବା ବେଳେ ଶୃଙ୍ଖଳିତ ଦର୍ଶନ ପାଇଁ ବ୍ୟବସ୍ଥା କରାଯାଉଛି । ମଣ୍ଡପକୁ ପ୍ରବେଶ ଓ ପ୍ରସ୍ଥାନ ସହ ପାର୍କିଂ ପାଇଁ ହୋଇଛି ସ୍ବତନ୍ତ୍ର ବ୍ୟବସ୍ଥା । ଭୁବନେଶ୍ବରରେ ବିଭିନ୍ନ ଥିମ୍‌ର ତୋରଣ ନିର୍ମାଣ କରାଯାଇଛି । ସେପଟେ କଟକରେ ମାଆଙ୍କ ସୁନା ଓ ଚାନ୍ଦି ମେଢ଼ ଦେଖିବାକୁ ଭକ୍ତଙ୍କ ମନରେ ପ୍ରବଳ ଉତ୍କଣ୍ଠା ରହିଛି । ଚଳିତ ବର୍ଷ ମଙ୍ଗଳାବାଗ ପୂଜା କମିଟି ପକ୍ଷରୁ ନୂଆ କରି ମେଢ଼ରେ ସୁନା ଖଞ୍ଜା ଯାଇଛି ।

ପ୍ରାୟ ୧୨ କିଲୋଗ୍ରାମର ସୁନା ଓ ଅଢ଼େଇ କ୍ବିଣ୍ଟାଲ ଓଜନର ରୁପାରେ ମେଢ଼ ପ୍ରସ୍ତୁତ ହୋଇଛି । ଏବେ ଚାରିଆଡେ ପାର୍ବଣର ମାହୋଲ  ଦୁର୍ଗା ପୂଜା ପାଇଁ ଚଳଚଞ୍ଚଳ ଇସ୍ପାତ ସହର ରାଉରକେଲା  ପୂଜାରେ  କିପରି ଶାନ୍ତି ଶୃଙ୍ଖଳାରେ ହେବ ତାକୁ ନେଇ ପୋଲିସ ତରଫରୁ କରଯାଇଛି ଫ୍ଲାଗ ମାର୍ଚ୍ଚ  ସ୍ଥାନୀୟ ବିଶ୍ରା ଛକରୁ ବିଏସଏଫ ଓ ଓଏସଏପି ଯବାନ ବାହାରି ସହର ପରିକ୍ରମା କରିଛନ୍ତି  ପୂଜାକୁ ଶାନ୍ତି ଶୃଙ୍ଖଳାରେ ପାଳନ କରିବା ପାଇଁ ସହରବାସୀଙ୍କୁ ନିବେଦନ କରିଛନ୍ତି ପୋଲିସ ପ୍ରଶାସନ