ବାଙ୍କୁର ଆଲିପୁର ଚିଡିଆଖାନାରେ ବାଘୁଣୀ ଜିନ୍ନତ : ସ୍ୱାସ୍ଥ୍ୟବସ୍ଥା ଯାଞ୍ଚ କରୁଛନ୍ତି ସ୍ବତନ୍ତ୍ର ଟିମ

କନକବ୍ୟୁରୋ : ଦୀର୍ଘ ଦିନ ଧରି ଚକମା ଦେଇ ବୁଲୁଥିବା ବାଘୁଣୀ ଜିନ୍ନତ ଟ୍ରାଙ୍କୁଲାଇଜ ହେବା ପରେ ଆଲିପୁର ଚିଡ଼ିଆଖାନାରେ ରଖାଯାଇଛି  । ଆଲିପୁର ଚିଡ଼ିଆଖାନାରୁ ଜିନ୍ନତର  ପ୍ରଥମ ଭିଜୁଆଲ ସାମନାକୁ ଆସିଛି  । ତାର ସ୍ବାସ୍ଥ୍ୟ ପ୍ରତି ସ୍ବତନ୍ତ୍ର ନଜର ରଖାଯାଇଛି  ।   କିଛି ସମୟ ପରେ ବାଘୁଣୀ ଜିନ୍ନତକୁ ପୁଣି ଶିମିଳିପାଳ ଫେରାଇ ଅଣାଯିବାର ସମସ୍ତ ବ୍ୟବସ୍ଥା କରାଯିବ । 

ବାରମ୍ବାର ଚକମା  ଦେବା ପରେ ସୋମବାର ଜିନ୍ନତକୁ ଟ୍ରାଙ୍କୁଲାଇଜ୍ କରିବାରେ ସଫଳ ହୋଇଛି ବନବିଭାଗର ସ୍ବତନ୍ତ୍ର ଟିମ୍ ।  ପଶ୍ଚିମବଙ୍ଗର ବାଙ୍କୁରା ଜିଲ୍ଲା ରାଣୀବାଗ ଥାନା  ଅନ୍ତର୍ଗତ କଂସାବତୀ ଜଳଭଣ୍ଡାର ନିକଟରେ ଧରାପଡ଼ିଥିଲା ବାଘୁଣୀ  ।  ପଶ୍ଚିମବଙ୍ଗର ଗୋସାଇଁଡିହି ଗ୍ରାମ୍ୟ ଜଙ୍ଗଲରେ ଜିନ୍ନତକୁ ଗତକାଲି ଟ୍ରାଙ୍କୁଲାଇଜ୍ କରାଯାଇଥିଲା   ।

ଏହାପରେ ତାକୁ ଆଲିପୁର ଛିଡ଼ିଆଖାନାରେ ରଖାଯାଇଛି   ।  ତାର ସ୍ବାସ୍ଥ୍ୟବସ୍ଥା ଯାଞ୍ଚ କରାଯାଉଛି ।  ଖୁବଶୀଘ୍ର ତାକୁ ଶିମିଳିପାଳ ଅଣାଯିବ  ।  ୮ ତାରିଖରେ ଶିମିଳିପାଳ ଛାଡି ବାଘୁଣି ପ୍ରଥମେ ଝାଡ଼ଖଣ୍ଡରେ ପ୍ରବେଶ କରିଥିଲା   ।   ଏହାପରେ ପୁଣି ପଶ୍ଚିମବଙ୍ଗ ସୀମାରେ ପଶିଥିଲା। ଫଳରେ ତିନି ରାଜ୍ୟର ବନବିଭାଗ ବାଘୁଣି ଜିନ୍ନତକୁ ଧରିବାକୁ ମିଳିତ ଭାବେ ଉଦ୍ୟମ ଜାରି ରଖିଥିଲେ ।

ଶିମିଳିପାଳରୁ ବାହାରି ସୂବର୍ଣ୍ଣରେଖା ନଦୀ ପହଁରି ପ୍ରଥମେ ଝାରଖଣ୍ଡ ଆଉ ପରେ ପଶ୍ଚିମବଙ୍ଗ ପହଞ୍ଚିଥିଲା ଜିନ୍ନତ। ୨୨ ଦିନ ଧରି ଜିନ୍ନତକୁ କାବୁ କରିବାକୁ ନାକେଦମ୍‌ ହୋଇଥିଲା ବନବିଭାଗ।