ଯୋଡାରେ ୨୮ଟିକିଆ ହାତୀ ପଲଙ୍କ ଆତଙ୍କ । ବ୍ୟାପକ ଫସଲ ନଷ୍ଟ

କନକବ୍ୟୁରୋ : ଫସଲ ଉଜାଡି ଦେଲେ ୨୮ ଟିକିଆ ହାତୀପଲ  ।  ଚିନ୍ତାରେ ଗ୍ରାମବାସୀ । ଏହାର ପ୍ରତିବାଦ କରି ବନ କର୍ମଚାରୀ ଙ୍କୁ ଘେରିଲେ ଗ୍ରାମବାସୀ । ଦିନକୁ ଦିନ ବଢୁଛି ହାତୀଙ୍କ ଦୌରାତ୍ମ୍ୟ ନଷ୍ଟ କରୁଛନ୍ତି ଶହ ଶହ ଏକର ଫସଲ ଓ ଘର ମଧ୍ୟ ନଷ୍ଟ କରୁଛନ୍ତି ।   ଦୀର୍ଘ ଦିନ ହେବ ଚମ୍ପୁଆ ରେଞ୍ଜରୁ ହାତୀ ଉପଦ୍ରବ ଥମିବାର ନାଁ ନେଉନାହିଁ । 

 କିଛି ଦିନ ତଳେ ଏହି ୨୮ ଦଳିଆ ହାତୀ ପଲ ଚମ୍ପୁଆ ରେଞ୍ଜ ଛାଡ଼ି ପାଟଣା ରେଞ୍ଜକୁ ଚାଲିଯାଇଥିଲେ । ଏବେ ପୁଣି ଲେଉଟି ଆସି ଜାଲି,ରାଉତରାପୁର,ଝାଲିଆବେଡା, ବର୍ଧନା ଗ୍ରାମରେ ବ୍ୟାପକ କ୍ଷୟକ୍ଷତି ଘଟାଇଛନ୍ତି । ବନ ବିଭାଗ ଏହି ହାତୀକୁ ନିୟନ୍ତ୍ରଣ କରିବାକୁ ବିଫଳ ହେବାରୁ ଚମ୍ପୁଆ ବ୍ଲକ ଜାଲି ଗ୍ରାମବାସୀ ବନବିଭାଗକୁ ଘେରାଉ କରିବା ସହ ହୋହାଲ୍ଲା କରୁଥିବା ଦେଖିବାକୁ ମିଳିଛି ।