କନକ ବ୍ୟୁରୋ : ଉତ୍ତର ପ୍ରଦେଶ ଗାଜିଆବାଦରେ ନକଲି ଦୂତାବାସ ଠାବ ଘଟଣା ।  ଉତ୍ତର ପ୍ରଦେଶ ସ୍ପେଶାଲ ଟାସ୍କ ଫୋର୍ସର ଛାନବିନରେ ଚାଞ୍ଚଲ୍ୟକର ତଥ୍ୟ ପଦାକୁ ଆସିବାରେ ଲାଗିଛି ।  ଘଟଣାର ମାଷ୍ଟର ମାଇଣ୍ଡ ନିଜକୁ ‘ୱେଷ୍ଟାର୍କ୍ଟିକା’, ସେବୋର୍ଗା, ପୌଲଭିଆ ଓ ଲୋଡୋନିଆ ପରି କାଳ୍ପନିକ ଦେଶର ରାଷ୍ଟ୍ରଦୂତ ବୋଲି ଦାବି କରୁଥିଲା । ଏସଟିଏଫ ରେଡ୍‌ରେ ୪୪ ଲକ୍ଷ ଟଙ୍କା, ପ୍ରଚୁର ବିଦେଶୀ ମୁଦ୍ରା, ୪ଟି ଦାମୀ କାର, ୧୨ଟି ନକଲି ପାସପୋର୍ଟ ଓ ୩୪ଟି ଦେଶର ଷ୍ଟାମ୍ପ ସହ ଅନେକ ନକଲି ଡକ୍ୟୁମେଣ୍ଟ ଜବତ ହୋଇଛି । ମାଷ୍ଟର ମାଇଣ୍ଡ ହର୍ଷବର୍ଦ୍ଧନ ଜୈନଙ୍କୁ ଗିରଫ କରି ଜେରା ଚଳାଇଛି ସ୍ପେଶାଲ ଟାସ୍କ ଫୋର୍ସ । କୁହାଯାଉଛି,  ୨୦୧୭ଠାରୁ ଏହି ହର୍ଷବର୍ଦ୍ଧନ ସିଣ୍ଡିକେଟ୍ ଆରମ୍ଭ କରି ଅନେକ ଲୋକଙ୍କୁ ବିଦେଶରେ କାମ ଓ ହୱାଲା କାରବାର ମାଧ୍ୟମରେ ଠକୁଥିଲା । 
ଗାଜିଆବାଦରେ ନକଲି ଦୂତାବାସ 
୨୦୧୭ରୁ ଚାଲିଥିଲା  
ହର୍ଷବର୍ଦ୍ଧନ ଜୈନ ଗାଜିଆବାଦରେ ନକଲି ଦୂତାବାସ ଖୋଲିଥିଲା  
ଓ୍ଵେଷ୍ଟାର୍କ୍ଟିକୋ ଓ ଅନ୍ୟ ମାଇକ୍ରୋ ନେସନର ରାଷ୍ଟ୍ରଦୂତ ପରିଚୟ ଦେଉଥିଲା  
ହର୍ଷବର୍ଦ୍ଧନ ବିଦେଶରେ ଚାକିରି ଓ ବ୍ୟବସାୟ ପ୍ରତିଶ୍ରୁତି ଦେଇ ଠକୁଥିଲା  
ଏସଟିଏଫ ଜୁଲାଇ ୨୨ରେ ମାଷ୍ଟରମାଇଣ୍ଡ ହର୍ଷବର୍ଦ୍ଧନକୁ ଗିରଫ କରିଛି  
ଚଢାଉ ବେଳେ ୪୪.୭ ଲକ୍ଷ ଟଙ୍କା ଓ ବିଦେଶୀ ମୁଦ୍ରା ଜବତ ହୋଇଛି  
୧୨ଟି ନକଲି ପାସପୋର୍ଟ, ୧୮ଟି ନକଲି ନମ୍ବର ପ୍ଲେଟ୍ ଓ ୩୪ଟି ନକଲି ସିଲ୍ ମିଳିଛି  
ପ୍ରଧାନମନ୍ତ୍ରୀଙ୍କ ସହ ନକଲି ଫଟୋ ବ୍ୟବହାର କରି ବିଶ୍ୱାସ ସୃଷ୍ଟି କରାଉଥିଲା  
ସେ ହବାଲା ରାକେଟ୍ ଚଳାଉଥିଲା  
ଠକେଇ ୨୦୧୭ରୁ ଚାଲିଥିଲା, ୨୦୧୧ରେ ପ୍ରଥମ ଅଭିଯୋଗ ଆସିଥିଲା  
ଏସଟିଏଫ୍ ଏହି ମାମଲାରେ ଅଧିକ ଛାନବିନ୍ ଜାରି ରଖିଛି