ବାଙ୍କୀ ଭଗିପୁର ଗାଁରେ ଗୋଷ୍ଠୀ ସଂଘର୍ଷ ପରେ ଘଟଣାସ୍ଥଳରେ ଗ୍ରାମାଞ୍ଚଳ ଏସପି । ଏବେବି ଲାଗିରହିଛି ଚାପା ଉତ୍ତେଜନା

କନକ ବ୍ୟୁରୋ : ବାଙ୍କୀ ଥାନା ଅନ୍ତର୍ଗତ ଭଗିପୁର ଗାଁରେ ଗୋଷ୍ଠୀସଂଘର୍ଷ ଘଟି ୪ ରୁ ଅଧିକ ଆହତ ଘଟଣା, ବାଙ୍କୀ ଭଗିପୁର ଗାଁରେ ଗୋଷ୍ଠୀ ସଂଘର୍ଷ ପରେ ଘଟଣାସ୍ଥଳରେ ପହଞ୍ଚି ସ୍ଥିତି ପରଖିଥିଲେ ଗ୍ରାମାଞ୍ଚଳ ଏସ୍‌ପି । ଘଟଣା ସ୍ଥଳରେ ଏବେବି ଉତେଜନା ଲାଗି ରହିଛି । ଫଳରେ କଟକ ବାଙ୍କୀ ରାସ୍ତା ଅବରୋଧ ହୋଇଛି । ବାଙ୍କୀ ଏସଡିପିଓ ବିଜୟ ମହାପାତ୍ର ଓ ବାଙ୍କୀ ଆଇଆଇସି ଦିଲ୍ଲୀପ ମର୍ଦରାଜ ଭୂୟାଁ ମଧ୍ୟ ସେଠାରେ ପଂହଁଚି ସ୍ଥିତି ଅନୁଧ୍ୟାନ କରିଛନ୍ତି । 

ଉତେଜନାକୁ ଦୃଷ୍ଟିରେ ରଖି ଗାଁରେ ଗୋଟେ ପ୍ଲାଟୁନ ଫୋର୍ସ ମୁତୟନ ହୋଇଛନ୍ତି । ଗତକାଲି ରାତିରେ ସେହି ଗାଁର କିଛି ଅସାମାଜିକ ଯୁବକ ରାସ୍ତାରେ ଯାଉଥିବା ଗାଡି ଉପରକୁ ଟେକା ଫିଙ୍ଗିଥିଲେ । ଯାହାକୁ ନେଇ ଗାଁର ଅନ୍ୟ କିଛି ଯୁବକ ଏହାକୁ ବିରୋଧ କରିଥିଲେ । ଫଳରେ ଉଭୟ ଗୋଷ୍ଠୀ ମଧରେ ବଚସା ହୋଇଥିଲା । ଏହାକୁ କେନ୍ଦ୍ରକରି ଆଜି ସକାଳେ ମଧ୍ୟ ଦୁଇ ଗୋଷ୍ଠୀ ମଧରେ ଟେକାପଥର ମାଡ଼ ହୋଇଥିଲା । ଏଥିରେ ୪ରୁ ଅଧିକ ଆହତ ହୋଇଥିବା ଜଣାପଡିଛି ।