କନକ ବ୍ୟୁରୋ: ପହଲଗାମ ଆକ୍ରମଣ ପରେ, ଭାରତୀୟ ସେନା ପିଓକେ ଏବଂ ପାକିସ୍ତାନର 9ଟି ସ୍ଥାନରେ ଆକ୍ରମଣ କରିଥିଲା । ଏହି ଅପରେସନକୁ ସମ୍ପୂର୍ଣ୍ଣ ଗୁପ୍ତ ରଖାଯାଇଥିଲା । ଅପରେସନ ସିନ୍ଦୂରକୁ ନେଇ ଯେଉଁପରି ଯୋଜନା କରାଯାଇଥିଲା, ତାହା ଶହେ ପ୍ରତିଶତ କାର୍ଯ୍ୟକାରୀ ହୋଇଥିଲା । ଗୋଟିଏ ପଟେ ଅପରେସନ୍ କରାଯାଉଥିଲା, ଆଉ ଗୋଟିଏ ପଟେ ଅପରେସନ୍ ବିଷୟରେ ସୂଚନା କିପରି ଦିଆଯିବ ତାହା ମଧ୍ୟ ସ୍ଥିର କରାଯାଉଥିଲା । ଏହା ଉପରେ କାମ ଦ୍ରୁତ ଗତିରେ ଚାଲିଥିଲା । ଏହାକୁ ନେଇ ଏମିତି ଏକ ଲୋଗୋ ତିଆରି କରାଯାଇଥିଲା ଯାହା ସମ୍ପୂର୍ଣ୍ଣ ଭାବରେ କାର୍ଯ୍ୟକୁ ବର୍ଣ୍ଣନା କରିଥିଲା । ତା'ପରେ ଅପରେସନ ସିନ୍ଦୂରକୁ ନେଇ ଲୋଗୋ ତିଆରି ହୋଇଥିଲା । ଏହି ଲୋଗୋଟି ସେନା ମୁଖ୍ୟାଳୟରେ ନିଯୁକ୍ତ ସେନା ଅଧିକାରୀ ତିଆରି କରିଥିଲେ । କର୍ଣ୍ଣେଲ ହର୍ଷ ଗୁପ୍ତା ଏବଂ ହାବିଲଦାର ସୁରିନ୍ଦର ସିଂହ ଏହାର ଡିଜାଇନ ତିଆରି କରିଥିଲେ । ସେନା ପକ୍ଷରୁ ଉଭୟଙ୍କ ଫଟୋ ଜାରି କରାଯାଇଛି । 

Advertisment

୪୫ ମିନିଟରେ ତିଆରି ହୋଇଥିଲା ଲୋଗୋ 

ଯେତେବେଳେ ଅପରେସନର ତାରିଖ ୭ ମେ’ ସ୍ଥିର କରାଯାଇଥିଲା, ସେତେବେଳେ ଏହାର ପ୍ରସ୍ତୁତି ଆରମ୍ଭ ହୋଇସାରିଥିଲା । ଏହି ଅପରେସନ୍ ଏବଂ ଏହାକୁ ବିଶ୍ୱ ସମ୍ମୁଖରେ କିପରି ଉପସ୍ଥାପନ କରାଯିବ ତାହାର ପ୍ରସ୍ତୁତି ପ୍ରତିରକ୍ଷା ମନ୍ତ୍ରଣାଳୟରେ ମେ’ ୫ ତାରିଖରୁ ଆରମ୍ଭ ହୋଇଥିଲା । ବରିଷ୍ଠ ସାମରିକ ଅଧିକାରୀମାନଙ୍କୁ ସେଠାରେ ଦୁଇ ଦିନ ପାଇଁ ରହିବାକୁ ପଡ଼ିଥିଲା । ସେହିଦିନ ରାତିରେ ଅନ୍ୟ କିଛି ଅଧିକାରୀଙ୍କୁ ମଧ୍ୟ କାର୍ଯ୍ୟାଳୟକୁ ଡକାଯାଇଥିଲା । ଦେଶବାସୀଙ୍କୁ ଷ୍ଟ୍ରାଇକ୍ ବିଷୟରେ ସୂଚନା ଦେବା ପାଇଁ ସମ୍ପୃକ୍ତ କାର୍ଯ୍ୟାଳୟକୁ ଯାତାୟାତ ବନ୍ଦ କରାଯାଇଥିଲା । ସୂତ୍ର ଅନୁସାରେ, ଅପରେସନ ସିନ୍ଦୂରର ଲୋଗୋ ମାତ୍ର 45 ମିନିଟରେ ପ୍ରସ୍ତୁତ ହୋଇଯାଇଥିଲା । ପ୍ରତିରକ୍ଷା ମନ୍ତ୍ରଣାଳୟ ଏକ ପ୍ରେସ୍ ବିଜ୍ଞପ୍ତି ଜାରି କରି ସିନ୍ଦୂରର ସଫଳତା ବିଷୟରେ ସୂଚନା ଦେଇଥିଲେ । ରିଲିଜ ସମୟରେ ଏହା ଉପରେ ଜାରି କରିବାର ସମୟ ଲେଖାଥିଲା । ସମୟ ଥିଲା ରାତି ୧:୪୪ । ଠିକ୍ ୬ ମିନିଟ୍ ପରେ, ରାତି ୧:୫୧ ରେ, ଭାରତୀୟ ସେନାର ସୋସିଆଲ ମିଡିଆ ହ୍ୟାଣ୍ଡେଲରୁ ଅପରେସନ ସିନ୍ଦୂରର ସଫଳତା ଘୋଷଣା କରାଯାଇଥିଲା ।  ଅପରେସନ ସିନ୍ଦୂରର ଲୋଗୋ ସହିତ "ପ୍ରତିଶୋଧ ସମ୍ପୂର୍ଣ୍ଣ" ଲେଖାଯାଇଛି ।

ଏହି ଆକ୍ରମଣ ସମୟରେ ତିନି ସେନା ମୁଖ୍ୟ ଅପରେସନ୍ ରୁମରେ ଉପସ୍ଥିତ ଥିଲେ , ପ୍ରଧାନମନ୍ତ୍ରୀ ନିଜେ ଅପରେସନ୍ ଉପରେ ନଜର ରଖିଥିଲେ । ସିଡିଏସ୍, ତିନି ସେନାର ମୁଖ୍ୟ ଏବଂ ଅନ୍ୟାନ୍ୟ ବରିଷ୍ଠ ଅଧିକାରୀମାନେ ଅପରେସନ୍ ରୁମରେ ନିରନ୍ତର ଉପସ୍ଥିତ ଥିଲେ । ପ୍ରଥମ ଥର ପାଇଁ, ସେନା ମୁଖ୍ୟାଳୟର ଅପରେସନ୍ ରୁମରେ ଅପରେସନ୍ ମନିଟରିଂର ଫଟୋ ସେୟାର କରାଯାଉଥିଲା ।