ମକର ସଂକ୍ରାନ୍ତି ପରଠାରୁ ଏହି ୩ଟି ରାଶିର ରାଜ ଯୋଗ..

କନକ ବ୍ୟୁରୋ : ହିନ୍ଦୁ ଧର୍ମ ଏବଂ ଜ୍ୟୋତିଷ ଶାସ୍ତ୍ରରେ ମକର ସଂକ୍ରାନ୍ତିର ଏକ ବିଶେଷ ମହତ୍ତ୍ୱ ରହିଛି ।  ଯେତେବେଳେ ସୂର୍ଯ୍ୟ ଦେବ ଧନୁ ରାଶିରୁ ବାହାରି ମକର ରାଶିରେ ପ୍ରବେଶ କରିବେ , ସେହି ଦିନକୁ 'ମକର ସଂକ୍ରାନ୍ତି' ଭାବେ ପାଳନ କରାଯାଏ । ଏହି ଦିନଠାରୁ ସୂର୍ଯ୍ୟଙ୍କର ଉତ୍ତରାୟଣ ଗତି ଆରମ୍ଭ ହୁଏ ଏବଂ ଶୁଭ କାର୍ଯ୍ୟ ଉପରେ ଲାଗିଥିବା ରୋକଶେଷ ହୋଇଥାଏ ।
ଜ୍ୟୋତିଷ ଗଣନା ଅନୁସାରେ, ୨୦୨୬ ମସିହାର ମକର ସଂକ୍ରାନ୍ତି କିଛି ନିର୍ଦ୍ଦିଷ୍ଟ ରାଶିର ବ୍ୟକ୍ତିଙ୍କ ପାଇଁ ଭାଗ୍ୟ ବଦଳାଇବାକୁ ଯାଉଛି । ସୂର୍ଯ୍ୟଙ୍କର ଏହି ରାଶି ପରିବର୍ତ୍ତନ ଫଳରେ ୩ଟି ରାଶିର ବ୍ୟକ୍ତିଙ୍କୁ  ଧନ ସମ୍ପତ୍ତି ଏବଂ ସଫଳତା ମିଳିବାର ଯୋଗ ରହିଛି ।

ଦିନ ଆରମ୍ଭ ପୂର୍ବରୁ ପ୍ରଥମେ ଜାଣନ୍ତୁ ଆଜି ଦିନର ରାଶିଫଳ... ଆସନ୍ତୁ ଜାଣିବା ସେହି ଭାଗ୍ୟଶାଳୀ ରାଶିଗୁଡ଼ିକ ବିଷୟରେ....
ମେଷ ରାଶି 
ମକର ସଂକ୍ରାନ୍ତିଠାରୁ ମେଷ ରାଶିର ବ୍ୟକ୍ତିଙ୍କ ପାଇଁ ଅତି ଶୁଭ ସମୟ ଆରମ୍ଭ ହେବାକୁ ଯାଉଛି। ସୂର୍ଯ୍ୟଙ୍କର ଗୋଚର ଆପଣଙ୍କ କର୍ମ କ୍ଷେତ୍ରରେ ବେଶ ସକରାତ୍ମକ ପ୍ରଭାବ ପକାଇବ।  ଆପଣଙ୍କର ଆର୍ଥିକ ସ୍ଥିତିରେ ବଡ଼ ଧରଣର ସୁଧାର ଆସିବ। ପୈତୃକ ସମ୍ପତ୍ତିରୁ ଲାଭ ମିଳିବାର ସମ୍ଭାବନା ଅଛି। ଚାକିରି କ୍ଷେତ୍ରରେ ପଦୋନ୍ନତି ଏବଂ ଦରମା ବୃଦ୍ଧିର ଯୋଗ ରହିଛି। ବ୍ୟବସାୟୀମାନେ ନୂତନ ଚୁକ୍ତି କରିପାରନ୍ତି, ଯାହା ଭବିଷ୍ୟତ ପାଇଁ ଲାଭଦାୟକ ହେବ। ସମାଜରେ ଆପଣଙ୍କର ମାନ-ସମ୍ମାନ ବୃଦ୍ଧି ପାଇବ ଏବଂ ଶାସନ କ୍ଷମତାରେ ଥିବା ବ୍ୟକ୍ତିଙ୍କଠାରୁ ସାହାଯ୍ୟ ମିଳିବ।
ସିଂହ ରାଶି ... 
ସିଂହ ରାଶିର ଅଧିପତି ହେଉଛନ୍ତି ସୂର୍ଯ୍ୟ ଦେବ। ତେଣୁ ମକର ସଂକ୍ରାନ୍ତିର ଏହି ପରିବର୍ତ୍ତନ ଆପଣଙ୍କ ପାଇଁ ବରଦାନ ସଦୃଶ ହେବ। ଦୀର୍ଘ ଦିନରୁ ଅଟକି ରହିଥିବା କାର୍ଯ୍ୟ ସଫଳତାର ସହ ପୂର୍ଣ୍ଣ ହେବ। ଯଦି କୌଣସି ଆଇନଗତ ବିବାଦ ଚାଲିଥାଏ, ତେବେ ରାୟ ଆପଣଙ୍କ ସପକ୍ଷରେ ଆସିପାରେ।  ଆପଣଙ୍କ ଆତ୍ମବିଶ୍ୱାସ ବୃଦ୍ଧି ପାଇବ। ଶାରୀରିକ ଏବଂ ମାନସିକ ସ୍ତରରେ ଆପଣ ନିଜକୁ ଅଧିକ ଶକ୍ତିଶାଳୀ ଅନୁଭବ କରିବେ।  ନୂତନ ନିବେଶ ପାଇଁ ସମୟ ଅନୁକୂଳ ଅଟେ। ଶେୟାର ବଜାର କିମ୍ବା ବ୍ୟବସାୟରେ ଲଗାଇଥିବା ଟଙ୍କାରୁ ଭଲ ରିଟର୍ଣ୍ଣ ମିଳିବ।
ମକର ରାଶି 
ସୂର୍ଯ୍ୟ ଦେବ ଆପଣଙ୍କ ରାଶିରେ ହିଁ ପ୍ରବେଶ କରୁଛନ୍ତି, ତେଣୁ ଏହି ସମୟଟି ଆପଣଙ୍କ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଆପଣଙ୍କ ବ୍ୟକ୍ତିତ୍ୱରେ ଏକ ଚମକ ଆସିବ। ଲୋକମାନେ ଆପଣଙ୍କ କଥା ଦ୍ୱାରା ପ୍ରଭାବିତ ହେବେ, ପରିବାରରେ ହସଖୁସିର ବାତାବରଣ ରହିବ। ଜୀବନସାଥୀଙ୍କ ସହ ସମ୍ପର୍କ ମଧୁର ହେବ ଏବଂ ସନ୍ତାନ ପକ୍ଷରୁ କୌଣସି ଶୁଭ ଖବର ମିଳିପାରେ । ଆୟର ନୂତନ ଉତ୍ସ ସୃଷ୍ଟି ହେବ। ବ୍ୟବସାୟରେ ବ୍ୟାପକ ସଫଳତା ମିଳିବା ସହ ବ୍ୟାଙ୍କ ବାଲାନ୍ସ ବୃଦ୍ଧି ପାଇବ।

ଏବେ ଜାଣନ୍ତୁ ଏହି ଦିନ କଣ କରିବେ.....

ଭାଗ୍ୟକୁ ଅଧିକ ପ୍ରସନ୍ନ କରିବା ପାଇଁ ଏହି ଦିନ ସକାଳୁ ସ୍ନାନ ସାରି ସୂର୍ଯ୍ୟ ଦେବଙ୍କୁ ଅର୍ଘ୍ୟ ପ୍ରଦାନ କରନ୍ତୁ। "ଓଁ ସୂର୍ଯ୍ୟାୟ ନମଃ" ମନ୍ତ୍ର ଜପ କରନ୍ତୁ। ଏହି ଦିନ ରାଶି, ଗୁଡ଼, କମ୍ବଳ ଏବଂ ଚାଉଳ ଦାନ କରିବା ଦ୍ୱାରା ପୁଣ୍ୟ ପ୍ରାପ୍ତି ହୁଏ ଏବଂ ଗ୍ରହ ଦୋଷ ଖଣ୍ଡନ ହୋଇଥାଏ । ୨୦୨୬ ମକର ସଂକ୍ରାନ୍ତି ମେଷ, ସିଂହ ଏବଂ ମକର ରାଶିର ବ୍ୟକ୍ତିଙ୍କ ପାଇଁ ସୁବର୍ଣ୍ଣ ସୁଯୋଗ ନେଇ ଆସୁଛି ।  କଠିନ ପରିଶ୍ରମ ସହିତ ସୂର୍ଯ୍ୟ ଦେବଙ୍କ ଆଶୀର୍ବାଦ ରହିଲେ ଆପଣ ଜୀବନର ସମସ୍ତ ଶିଖର ଛୁଇଁପାରିବେ। ତେବେ ଅନ୍ୟ ରାଶିର ବ୍ୟକ୍ତିମାନେ ମଧ୍ୟ ନିରାଶ ହେବାର ଆବଶ୍ୟକତା ନାହିଁ, ସୂର୍ଯ୍ୟଙ୍କ ଉପାସନା କଲେ ସମସ୍ତଙ୍କ ପାଇଁ ଶୁଭଫଳ ପ୍ରାପ୍ତି ହେବ ।