ଡିସେମ୍ବର ୧୭ ରୁ  ରତ୍ନଭଣ୍ଡାର ମରାମତି । ମରାମତି ବେଳେ  ଭକ୍ତ ବାହାର କାଠ ନିକଟରେ ଦର୍ଶନ କରିବେ..

କନକବ୍ୟୁରୋ :  ଡିସେମ୍ବର ୧୭ ରୁ  ଆରମ୍ଭ ହେବ ରତ୍ନଭଣ୍ଡାର ମରାମତି। ଦ୍ବିତୀୟ ଭୋଗମଣ୍ଡପ  ସରିବା ପରେ ଆରମ୍ଭ ହେବ ମରାମତି କାର୍ଯ୍ୟ।  ଦିନ ଗୋଟାଏ ରୁ  ସନ୍ଧ୍ୟା ୫ ଟା ଯାଏଁ  ଚାଲିବ ଏହି ମରାମତି କାର୍ଯ୍ୟ।  ମରାମତି ବେଳେ  ଭକ୍ତ ବାହାର କାଠ ନିକଟରେ ଦର୍ଶନ କରିବେ । 

 ଛତିଶା ନିଯୋଗ ବୈଠକ ଏହା ନିଷ୍ପତ୍ତି ହୋଇଛି । ରତ୍ନଭଣ୍ଡାର ମରାମତି ସଂପର୍କରେ ଚାଲିଛି ଆଲୋଚନା। ନୀତିକାନ୍ତି ପ୍ରଭାବିତ ନ ହୋଇ କିଭଳି ମରାମତି ହେବ ତାହା ଉପରେ ଗୁରୁତ୍ବ ଦିଆଯାଇଥିଲା। ରତ୍ନଭଣ୍ଡାର ମରାମତି ପାଇଁ ପ୍ରତିଦିନ  ୫ରୁ ୬ ଘଣ୍ଟା ଆବଶ୍ୟକ। ସେଥିପାଇଁ କେଉଁ ସମୟରେ ଓ କେଉଁ ନୀତି ପରେ ମରାମତି କରାଯିବ ସେନେଇ ନିଷ୍ପତି ହୋଇଛି। ଶ୍ରୀମନ୍ଦିର ମୁଖ୍ୟ ପ୍ରଶାସକଙ୍କ ଅଧ୍ୟକ୍ଷତାରେ ଶ୍ରୀମନ୍ଦିର ସଦର କାର୍ଯ୍ୟାଳୟରେ ଚାଲିଥିଲା ବୈଠକ।