ରାଗ ବୁଝିଲାନି ସମ୍ଫର୍କର ମୁଲ୍ୟ: ନିଶାଶକ୍ତ ଅବସ୍ଥାରେ ଭାଇକୁ ମାରିଦେଲା ଭାଇ

କନକବ୍ୟୁରୋ : ରାଗ ବୁଝିଲାନି ରକ୍ତର ମୂଲ୍ୟ, ଭାଇବୋହୁକୁ ବଞ୍ଚାଇବାକୁ ସାନଭାଇକୁ ପିଟି ମାରିଦେଲା ବଡ଼ ଭାଇ। କଟକ ଗୁରୁଡ଼ିଝାଟିଆ ଥାନା ଖିରିଖିଆ ଗାଁରୁ ଏଭଳି ବୀଭତ୍ସ ହତ୍ୟା ଘଟଣା ସାମ୍ନାକୁ ଆସିଛି । ନିଶାସକ୍ତ ଅବସ୍ଥାରେ ସାନଭାଇ ବରଜୁ ବଦରା ନିଜ ସ୍ତ୍ରୀକୁ ଆକ୍ରମଣ କରିବାକୁ ଉଦ୍ୟମ କରୁଥିବା ବଡ଼ଭାଇ ବେହେରା ବଦରା ଏହାକୁ ବିରୋଧ କରିଥିଲା ।

ପାଟିତୁଣ୍ଡ ଉଗ୍ରରୂପ ନେବାରୁ ବରଜୁ ବଦରା ଉପରେ କୋଦାଳରେ ଆକ୍ରମଣ କରିଥିଲା ବେହେରା ବଦରା। ଘଟଣା ସ୍ଥଳରେ ହିଁ ସାନଭାଇର ମୃତ୍ୟୁ ଘଟିଥିଲା । ଖବର ପାଇ ଗୁରୁଡିଝାଟିଆ ପୁଲିସ ଓ ସାଇଣ୍ଟିଫିକ ଟିମ ଘଟଣାସ୍ଥଳରେ ପହଞ୍ଚି ହତ୍ୟାର ତଦନ୍ତ ଆରମ୍ଭ କରିଛି । ବଡ଼ଭାଇ ବଦରା ବେହେରାକୁ ଅଟକ ରଖି ଅଧିକ ପଚରାଉଚରା କରାଯାଉଛି ।