ମଠ ମହନ୍ତଙ୍କ ପାଖକୁ ଫେରିବ ମଠ ପରିଚାଳନା କ୍ଷମତା । ସୂଚନା ଦେଲେ ଆଇନ ମନ୍ତ୍ରୀ ।

କନକ ବ୍ୟୁରୋ : ପୁଣିଥରେ ମହନ୍ତଙ୍କ ପାଖକୁ ଫେରିବ ମଠ ପରିଚାଳନା କ୍ଷମତା ।ବିଭିନ୍ନ ମଠର ମହନ୍ତ ମାନଙ୍କ ସହ ଆଲୋଚନା କରିବା ପରେ ସରକାର ଏହି ନିଷ୍ପତ୍ତି ନେବାକୁ ଯାଉଥିବା ସୂଚନା ଦେଇଛନ୍ତି ଆଇନ ମନ୍ତ୍ରୀ ପୃଥ୍ବୀରାଜ ହରିଚନ୍ଦନ । ଆଇନ ମନ୍ତ୍ରୀ କହିଛନ୍ତି, ମଠ ସଂସ୍କୃତି ବଞ୍ଚେଇ ରଖିବା ଏବଂ ସମ୍ମାନ ଦେବା ଓଡ଼ିଆ ଜାତିର ପରମ୍ପରା । 

ତେଣୁ ମଠର ଅଧିକାର ଏବଂ ନୀତିନିୟମ ଯେମିତି ଥିଲା ସେମିତି ରହିବ । ୩୦ ବର୍ଷ ହେବ ମଠ ବିଜେ ସ୍ଥଳୀ ଜଗନ୍ନାଥ ମନ୍ଦିର ପରିଚାଳନା କମିଟି ନାଁରେ ହୋଇଯାଇଛି । କିନ୍ତୁ ମଠ ପାଇଁ ଦେବୋତ୍ତର ଆଇନ୍ ଏବଂ ମନ୍ଦିର ପାଇଁ ଅଲଗା ଆଇନ୍ ଅଛି । ତେଣୁ ଶୀଘ୍ର ମଠ ପରିଚାଳନା କ୍ଷମତା ମଠକୁ ଫେରାଇବାକୁ ଦାବି କରିଛନ୍ତି ମହନ୍ତ। ଆଜିର ଏହି ବୈଠକରେ ଦେବୋତ୍ତର କମିଶନ, ଆଇନ ସଚିବ ଉପସ୍ଥିତ ଥିଲେ ।