କନକ ବ୍ୟୁରୋ: ସୁଭଦ୍ରା ଟଙ୍କାକୁ ନେଇ ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ାଙ୍କ ସୂଚନା । ଆସନ୍ତା ଅଗଷ୍ଟ ୯ ତାରିଖରେ ଆସିବ ସୁଭଦ୍ରା କିସ୍ତି । ଏହାପରେ ପୁଣିଥରେ ଖୋଲିବ ସୁଭଦ୍ରା ପୋର୍ଟାଲ । ଏଥର ୨ ଲକ୍ଷ ହିତାଧିକାରୀଙ୍କୁ ରିଜେକ୍ଟ କରାଯାଇଛି । ପ୍ରଥମ କିସ୍ତି ନେଲା ପରେ କିଏ ଆଇଟି ରିଟର୍ନ କରିଛି, କିଏ ଗାଡି କିଣି ଦେଇଛି ଏବଂ କାହାର ୫ ଏକର ଜମି ଥିବା କାରଣରୁ ସେମାନଙ୍କୁ ବାଦ ଦିଆଯାଇଛି । ଅଗଷ୍ଟ ୯ ପରେ ପୋର୍ଟାଲ ଖୋଲିବା ପରେ ପୁଣିଥରେ ସର୍ଭେ ହେବ । ୨ ଲକ୍ଷ ବାଦ ପଡ଼ିଥିବା ହିତାଧିକାରୀଙ୍କୁ ଯୋଡିବା ପାଇଁ ଆଉଥରେ ସର୍ଭେ ହେବ । ୨୧ବର୍ଷ ହୋଇଥିଲେ ଯୁବତୀ ମହିଳା ନୂଆ କରି ଆବେଦନ କରିପାରିବେ । ୯୩ ହଜାର ହିତାଧିକାରୀ ମହିଳାଙ୍କୁ ୬୦ ବର୍ଷ ପୁରିଥିବାରୁ ବିଭାଗ ସେମାନଙ୍କୁ ଭତ୍ତା ପାଇଁ ଏସ୍‌ଏସ୍‌ଇପିଡିକୁ ପଠାଇଛି ।