ପଦାର୍ଥ ବିଜ୍ଞାନ ପରେ ରସାୟନ ବିଜ୍ଞାନ ପାଇଁ ଘୋଷଣା ହେଲା ନୋବେଲ ପୁରସ୍କାର ବିଜେତାଙ୍କ ନାମ । ୩ ଜଣଙ୍କ ନାମ ଘୋଷଣା କଲା ବିଭାଗ

କନକ ବ୍ୟୁରୋ : ୨୦୨୪ ପାଇଁ ରସାୟନ ବିଜ୍ଞାନ କ୍ଷେତ୍ରରେ ନୋବେଲ ପୁରସ୍କାର ବିଜେତାଙ୍କ ନାମ ଘୋଷଣା କରାଯାଇଛି । ରସାୟନ ବିଜ୍ଞାନରେ ୨୦୨୪ ନୋବେଲ ପୁରସ୍କାର ଡେଭିଡ ବେକର, ଡେମିସ ହାସାବିସ ଏବଂ ଜନ୍ ଏମ ଜମ୍ପରଙ୍କୁ ପ୍ରଦାନ କରାଯିବ । ପ୍ରୋଟିନ୍ ବିଜ୍ଞାନରେ ସେମାନଙ୍କର ଅଦ୍ୱିତୀୟ ଅବଦାନ ପାଇଁ ଏହି ଲୋକମାନଙ୍କୁ ଏହି ପୁରସ୍କାରରେ ସମ୍ମାନିତ କରାଯାଇଛି ।  ଆମେରିକାର ସିଆଟେଲ, ୱାଶିଂଟନ୍ ୟୁନିଭରସିଟିର ଡେଭିଡ ବେକରଙ୍କୁ "କମ୍ପ୍ୟୁଟେସନଲ ପ୍ରୋଟିନ୍ ଡିଜାଇନ୍" ପାଇଁ ରସାୟନ ବିଜ୍ଞାନରେ ସମ୍ମାନଜନକ ନୋବେଲ ପୁରସ୍କାର ପ୍ରଦାନ କରାଯାଇଥିବାବେଳେ ପ୍ରୋଟିନ୍ ଗଠନ ପାଇଁ ବ୍ରିଟେନର ଗୁଗୁଲ୍ ଡିପ୍ ମାଇଣ୍ଡର ଡେମିସ୍ ହାସାବିସ୍ ଏବଂ ଜନ୍ ଏମ୍ ଜମ୍ପର୍ ଏହି ପୁରସ୍କାର ପାଇବେ ।