ଖବର ବାଜିଲା ଅନ୍ୟତ୍ର ହେଲା ବଦଳି, ବଲାଙ୍ଗୀର ବେଲପଡ଼ାରୁ ସମ୍ବଲପୁର ରେଢାଖୋଲକୁ ବଦଳି ହେଲେ ବିଇଓ ରଞ୍ଜିତ ଭୋଇ

କନକ ବ୍ୟୁରୋ: ଖବର ବାଜିଲା, ଅନ୍ୟତ୍ର ହେଲା ବଦଳି । ବଲାଙ୍ଗୀର ବେଲପଡ଼ାରୁ ସମ୍ବଲପୁର ରେଢାଖୋଲକୁ ବଦଳି ହେଲେ ବିଇଓ । ତାଙ୍କୁ କାର୍ଯ୍ୟରେ ଯୋଗଦେବାକୁ ଅନୁମତି ଦେଉନଥିବା ନେଇ ଡିଇଓ ଅଫିସରେ ଆତ୍ମହତ୍ୟା ଧମକ ଦେଇଥିଲେ ବିଇଓ ରଞ୍ଜିତ ଭୋଇ । ତିନି ମାସ ହେଲା ଦେବଗଡ଼ ଜିଲ୍ଲା ରିଆମାଳ ବିଇଓରୁ ବଲାଙ୍ଗୀର ବେଳପଡା ବିଇଓ ଭାବେ ବଦଳି ହୋଇକି ଆସିଥିଲେ ରଞ୍ଜିତ ଭୋଇ ।

ହେଲେ ଡିଇଓ ପ୍ରଦୀପ ନାଗ ତାଙ୍କୁ କାର୍ଯ୍ୟରେ ଯୋଗଦେବାକୁ ନିର୍ଦ୍ଦେଶ ଦେଉନଥିଲେ ବୋଲି ଅଭିଯୋଗ କରିଥିଲେ । ଆଜି ଆଦିବାସୀ ସଂଘ ସଭାପତି ସତ୍ୟ ଭୋଇଙ୍କ ସହିତ ଆସି ଡିଇଓ ଅଫିସ ଚ୍ୟାମ୍ବର ଆଗରେ ବସି କାନ୍ଦି କାନ୍ଦି ଆତ୍ମହତ୍ୟା କରିବାକୁ ଧମକ ଦେଇଥିଲେ। ଏହାପରେ ସମ୍ବଲପୁର ରେଢାଖୋଲ ବିଇଓ ଭାବରେ ତାଙ୍କୁ ବଦଳି କରାଯାଇଥିବା ସ୍କୁଲ ଓ ଗଣଶିକ୍ଷା ବିଭାଗ ପକ୍ଷରୁ ସୂଚନା ଦିଆଯାଇଛି ।