ଲଞ୍ଚ୍ ହେଲା ଅଶ୍ଳୀଳ କଣ୍ଟେଣ୍ଟ ବ୍ଲକ କରୁଥିବା ପ୍ରଥମ ସ୍ମାର୍ଟ ଫୋନ, ସବୁ ପ୍ରକାର ଅଶ୍ଲୀଳ କଣ୍ଟେଣ୍ଟକୁ ତୁରନ୍ତ କରିବ ବ୍ଲକ

କନକ ବ୍ୟୁରୋ : ଫିନଲାଣ୍ଡ ଟେକ୍ କମ୍ପାନି ଏଚଏମଡି ତରଫରୁ ସାରା ବିଶ୍ୱରେ ସ୍ମାର୍ଟ ଫୋନ "ଫ୍ୟୁଜ୍' ଲଞ୍ଚ କରିଛି । କମ୍ପାନି ଦାବି କରିଛି କି, ଏହା ବିଶ୍ୱର ପ୍ରଥମ ସ୍ମାର୍ଟ ଫୋନ ଯିଏ କି ଅଶ୍ଳୀଳ କଣ୍ଟେଣ୍ଟ ବନ୍ଦ କରିପାରିବ । କମ୍ପାନି ତରଫରୁ ଏହି ଫୋନରେ ବ୍ରିଟିଶ ସାଇବର ସିକ୍ୟୁରିଟି ଫର୍ମ ସେଫ୍ ଟୁ ନେଟ୍ର ଏଆଇ ମଡେଲ ହାର୍ମବ୍ଲକ ଇନବିଲିଟି କରିଛି । 

ଏହି ସ୍ମାର୍ଟ ଫୋନ ଅଶ୍ଳୀଳ କଣ୍ଟେଣ୍ଟ ରେକର୍ଡ କରିବା ଓ କାହାକୁ ପଠାଇବାରେ ପ୍ରତିବନ୍ଧକ ଲଗାଇଥାଏ । ଏହାସହ ଇଣ୍ଟରନେଟରେ ଅଶ୍ଳୀଳ ଫଟୋ ଦେଖିବା ଓ ତାକୁ ସେଭ୍ କରିବା ଉପରେ ମଧ୍ୟ ପ୍ରତିବନ୍ଧକ ଲଗାଇଥାଏ । ଏହାସହ ଲାଇଭ୍ ଷ୍ଟ୍ରମିଂ ବେଳେ ଯଦି କିଛି ଅଶ୍ଳୀଳ ଭିଡିଓ କି ଫଟୋ ଆସେ ତେବେ ମୋବାଇଲ ନିଜେ ନିଜେ ଏହାକୁ ବ୍ଲକ କରିଦିଏ । 

ଏହି ମୋବାଇଲ ବର୍ତ୍ତମାନ କେବଳ ଇଂଲଣ୍ଡରେ ଉପଲବ୍ଧ ହୋଇଛି । ଏହା ଭୋଡାଫୋନ ସହ ବଣ୍ଡଲ ଅଫରରେ ବିକ୍ରି ହେଉଛି । ଏହି ଫୋନ ପାଇଁ ଆପଣଙ୍କୁ ପ୍ରତିମାସ ୩ ହଜାର ୮ ଶହ ଟଙ୍କା ଦେବାକୁ ପଡିବ । ଏହି ଫୋନରେ କଲ ଓ ଇଣ୍ଟରନେଟର ସୁବିଧା ମଧ୍ୟ ଉପଲବ୍ଧ ରହିଛି । 

କମ୍ପାନୀ ଏହି ଫୋନକୁ ବିଶେଷ କରି ଛୋଟ ପିଲା ଓ ସ୍କୁଲ ପିଲାଙ୍କ ପାଇଁ ପ୍ରସ୍ତୁତ କରିଛି । କାରଣ ଏବେର ସ୍କୁଲ ପିଲାମାନେ ପାଠ ପଢା ବେଳେ ସ୍ମାର୍ଟ ଫୋନ ବ୍ୟବହାର କରୁଛନ୍ତି । ହେଲେ ଅଭିଭାବକମାନେ ସ୍ମାର୍ଟ ଫୋନକୁ ନେଇ ବଡ଼ ଚିନ୍ତାରେ ଥିବା ବେଳେ ଏହି ଚିନ୍ତା ଦୂର କରିବାରେ ଫ୍ୟୁଜ୍ ସ୍ମାର୍ଟ ଫୋନ ସହାୟକ ହେବ । 

ଏହି ଫୋନରେ ଅଭିଭାବକଙ୍କ ପାଇଁ ଆହୁରି ଅନେକ କଣ୍ଟ୍ରୋଲ ଫିଚର ରହିଛି । ପିଲା ଫୋନରେ କ'ଣ କ'ଣ ବ୍ୟବହାର କରୁଛନ୍ତି ତାର ସବିଶେଷ ମଧ୍ୟ ଅଭିଭାବକମାନେ ଜାଣିପାରିବେ । ଏଥିରେ ସ୍କ୍ରିନ୍ ଟାଇମ ଓ ଏପ୍ସର ଆକ୍ସେସ ମଧ୍ୟ ସାମିଲ ରହିଛି । ଅଭିଭାବକମାନେ ପ୍ରତିଟି ଆପ୍ସ ପାଇଁ ମଧ୍ୟ ସମୟ ସୀମା ନିର୍ଦ୍ଧାରଣ କରିପାରିବେ । ଏହା ସହ ଫୋନ ଲୋକେସନ ଟ୍ରାକିଂ ଡାଟା ବି ପ୍ରଦାନ କରିଥାଏ । 

ଏହି ସ୍ମାର୍ଟ ଫୋନ ଅନ୍ ଡିଭାଇସ ଏଆଇ ଫିଚର ଲେସ୍ ହୋଇଥିବାରୁ ବିନା ଇଣ୍ଟରନେଟରେ ମଧ୍ୟ କାମ କରିବ । ଏହା ସହ ମୋବାଇଲରେ ମହଜୁଦ ଥିବା ୱେବସାଇଟ, ମେସେଜ ଓ ଆପ୍ସ କ୍ୟାମେରା ଟ୍ରାକିଂ କରିବାର ସୁବିଧା ରହିଛି ।