ଶିମିଳିପାଳରେ ପ୍ରଥମ ଶିକାର କଲା ବାଘୁଣୀ ଜିନ୍ନତ । ସ୍ୱାସ୍ଥ୍ୟବସ୍ଥା ସ୍ଥିର ରହିଥିବା ବନବିଭାଗର ସୂଚନା

କନକବ୍ୟୁରୋ: ଶିମିଳିପାଳରେ ପହଂଚି ପ୍ରଥମ ଶିକାର କରିଛି ବାଘୁଣୀ ଜିନ୍ନତ। ଜିନ୍ନତ ପ୍ରଥମେ ବଣୁଆ ଘୁଷୁରି ଶିକାର କରି ଖାଇବା ପରେ ପାଣି ପିଇ ବିଶ୍ରାମ କରୁଥିବାର ଦେଖିବାକୁ ମିଳିଛି  ।  ଏବେ ଜିନ୍ନତର ସ୍ବାସ୍ଥ୍ୟବସ୍ଥା ସ୍ଥିର ରହିଥିବା ଶିମିଳିପାଳ ବନ ବିଭାଗ ପକ୍ଷରୁ ଜଣାପଡିଛି  ।  ଗତକାଲି ଶୁକ୍ରବାର ସଫ୍ଟ ଏନକ୍ଲୋଜରକୁ ବାଘୁଣୀ ଜିନ୍ନତକୁ ଛଡାଯାଇଥିଲା ।

ମହାରାଷ୍ଟ୍ରରୁ ଆସିଥିବା ବାଘୁଣୀର ବୟସ ୩ବର୍ଷ ହୋଇଥିବା ବେଳେ ବନ ବିଭାଗର ସ୍ବତନ୍ତ୍ର ଗାଡ଼ିରେ ଗୁରୁବାର ଜିନତ ଶିମିଳିପାଳରେ ପହଁଚିଥିଲା ।  ମହାରାଷ୍ଟ୍ର ତଡ଼ବା ଅନ୍ଧେରୀ ଅଭୟାରଣ୍ୟରୁ ଏହି ବାଘୁଣୀକୁ ଶିମିଳିପାଳକୁ ଅଣାଯାଇଛି ।

କିଛି ଦିନ ତଳେ ବାଘୁଣୀ ଯମୁନାକୁ ମଧ୍ୟ ଶିମିଳିପାଳ ଅଭୟାରଣ୍ୟରେ ଛଡାଯାଇଥିଲା । ଯମୁନା ଏବେ ସ୍ଥାନୀୟ ପରିବେଶ ସହ ଖାପ ଖୁଆଇବା ସହ ଶିକାର କରୁଥିବା ଦେଖିବାକୁ ମିଳିଛି । ଏବେ ଜିନ୍ନତ ମଧ୍ୟ ଶିକାର କରିଥିବା ବେଳେ ଶିମଳିପାଳ ଜଙ୍ଗଲରେ ନିଗକୁ ଖାପଖୁଆଇବା ଆରମ୍ଭ କରିଛି ।