ରହସ୍ୟମୟ ହ୍ରଦର ରୋଚକ କାହାଣୀ; କେଉଁଠି ପାଣି ଛୁଇଁଲେ ହୁଏ ପଥର ତ ଆଉ କେଉଁଠି ପାଉଁଶ

କନକ ବ୍ୟୁରୋ: କୁହାଯାଏ ଜଳ ହିଁ ଜୀବନ , ଜଳ ବିନା ଜୀବନ ଅସମ୍ଭବ । ହେଲେ ଏହି ଜଳ ଯେବେ ଜୀବନ ଦେବା ପରିବର୍ତ୍ତେ ଜୀବନ ନେଇଯାଏ, ପାଖକୁ ଗଲେ ଯେଉଁଠି ମୃତ୍ୟୁ ସୁନିଶ୍ଚିତ ହୋଇପଡ଼େ । ବିଶ୍ୱରେ ଏପରି ଏକ ବିପଦପୂର୍ଣ୍ଣ ହ୍ରଦ ଉତ୍ତର ତାଞ୍ଜାନିଆରେ ଅଛି, ଯାହା ନାଟ୍ରୋନ୍ ହ୍ରଦ ନାମରେ ଜଣାଶୁଣା । ବିଶ୍ୱାସ କରାଯାଏ ଯେ ଯିଏ ଏହି ହ୍ରଦର ପାଣିକୁ ଛୁଇଁଥାଏ ସେ ପଥର ହୋଇଯାଏ । ଏହି ହ୍ରଦ ଚାରିପାଖରେ ବିଭିନ୍ନ ପଶୁ ଏବଂ ପକ୍ଷୀଙ୍କ ପଥର ପ୍ରତିମା ଦେଖିବାକୁ ମିଳେ । ତେବେ ଆସନ୍ତୁ ଏହି ହ୍ରଦ ବିଷୟରେ ଅଧିକ ଜାଣିବା...

ନାଟ୍ରୋନ୍ ହ୍ରଦ ଜନଶୂନ୍ୟ । ହ୍ରଦ ଚାରିପାଖରେ ପଶୁ ଏବଂ ପକ୍ଷୀଙ୍କ ପଥର ମୂର୍ତ୍ତି ପଡ଼ିଛି । ଭୌତିକ ଘଟଣା ସହ ଏସବୁ ପଛରେ ଏକ ବୈଜ୍ଞାନିକ କାରଣ ଅଛି । ନାଟ୍ରନ୍ ଏକ ଖାରିଆ ହ୍ରଦ, ଯେଉଁଥିରେ ସୋଡିୟମ୍ କାର୍ବୋନେଟ୍ ପରିମାଣ ଅଧିକ । କ୍ଷାରୀୟ ଏବଂ ଆମୋନିଆ ସ୍ତର ସମାନ । ଏହା ମିଶରୀୟମାନେ ମମି ସଂରକ୍ଷଣ ପାଇଁ ବ୍ୟବହାର କରୁଥିବା ପରି । ଏହି କାରଣରୁ ପକ୍ଷୀଙ୍କ ଶରୀର ବର୍ଷ ବର୍ଷ ଧରି ସଂରକ୍ଷିତ ରହିଥାଏ ।

ବଡ଼କଥା ହେଉଛି ନାଟ୍ରୋନ ହ୍ରଦ ବାଦ୍ ଆଫ୍ରିକୀୟ ଦେଶ କଙ୍ଗୋର କିଭୁ ହ୍ରଦ ବିଶ୍ୱର ସବୁଠାରୁ ବିପଜ୍ଜନକ ହ୍ରଦ ମଧ୍ୟରୁ ଗୋଟିଏ । ଏହାକୁ "ବିସ୍ଫୋରକ ହ୍ରଦ" ମଧ୍ୟ କୁହାଯାଏ । ଏହାର ଜଳରେ କାର୍ବନ ଡାଇଅକ୍ସାଇଡ୍ ଏବଂ ମିଥେନ ରହିଛି । କୁହାଯାଏ ଯେ ଏହି ହ୍ରଦ ନିକଟରେ ଏକ ଛୋଟ ଭୂମିକମ୍ପ ମଧ୍ୟ ଏକ ବଡ଼ ବିସ୍ଫୋରଣ ସୃଷ୍ଟି କରିବାର କ୍ଷମତା ରଖିଛି ।

ଅଧିକ ପଢ଼ନ୍ତୁ--'ଇଲେକ୍ସନ ପୂର୍ବଦିନ ବିଜେଡି ନେତା ମନୋଜ ମିଶ୍ରଙ୍କ ଘରେ ଆଇଟି ରେଡ୍ '

ଆମେରିକାର ସବୁଠାରୁ ବଡ଼ ହ୍ରଦ ମଧ୍ୟରୁ ଗୋଟିଏ ହେଉଛି ମିଚିଗାନ ହ୍ରଦ । ଏହା ଦେଖିବାକୁ ଯେତିକି ସୁନ୍ଦର, ସେତିକି ମଧ୍ୟ ଭୟଙ୍କର । କୁହାଯାଏ ଯେ ଥରେ ଏକ ମାରାତ୍ମକ ଗ୍ୟାସ ଏହି ହ୍ରଦକୁ ଘେରି ଯାଇଥିଲା, ଯାହା ଦ୍ବାରା ସବୁ ଜୀବନ୍ତଜନ୍ତୁଙ୍କ ଜୀବନ ଯାଇଥିଲା । ବୈଜ୍ଞାନିକମାନେ ବିଶ୍ୱାସ କରନ୍ତି ଯେ ହ୍ରଦ ତଳେ ଏକ ଜ୍ୱାଳାମୁଖୀ ହୁଏତ ପାଣିରେ କାର୍ବନ ଡାଇଅକ୍ସାଇଡ୍ ଛାଡ଼ି ଥାଇପାରେ, ଯାହା ଫଳରେ ଗ୍ୟାସ ସ୍ତର ବୃଦ୍ଧି ପାଇ ଏହାକୁ ମେଘରେ ପରିଣତ କରିଦେଇଥିଲା ।