କନକ ବ୍ୟୁରୋ:  ଗିରଫ ହୋଇପାରନ୍ତି ଆଇଏଏସ ବିଷ୍ଣୁପଦ ସେଠୀ । କାରଣ ତାଙ୍କ ଆଗୁଆ ଜାମିନ ଆବେଦନକୁ ଅଗ୍ରାହ୍ୟ କରି ଦେଇଛନ୍ତି ହାଇକୋର୍ଟ । ଜୁଲାଇ ତିନି ତାରିଖରେ ହାଇକୋର୍ଟ ଜାରି କରିଥିବା ଅନ୍ତରୀଣ ନିର୍ଦ୍ଦେଶକୁ ମଧ୍ୟ ହଟାଇଦେଇଛନ୍ତି । ଫଳରେ ବିଷ୍ଣୁପଦ ସେଠୀଙ୍କ ଅଡୁଆ ବଢିଛି । ଲାଞ୍ଚ କାରବାର ଅଭିଯୋଗରେ ବିଷ୍ଣୁପଦଙ୍କ ନାଁରେ ମାମଲା ରୁଜୁ କରିଛି ସିବିଆଇ । ଆଗୁଆ ଜାମିନ ସହ ମାମଲା ଖାରଜ ପାଇଁ ହାଇକୋର୍ଟ ଯାଇଥିଲେ ବିଷ୍ଣୁପଦ ।

Advertisment

ବ୍ରିଜ ଆଣ୍ଡ ରୁଫ କର୍ପୋରେସନ ଲିମିଟେଡର ଏକ ବିଲ୍‌ ପାସ କରିବାକୁ ୧୦ ଲକ୍ଷ ଟଙ୍କା ଲାଞ୍ଚ ନେଉଥିବା ଅଭିଯୋଗରେ ବିଷ୍ଣୁପଦଙ୍କ ଘରେ ସିବିଆଇ ଚଢ଼ାଉ କରିଥିଲା । ତେବେ ବିନା ଦୋଷରେ ତାଙ୍କୁ ଓ ତାଙ୍କ ପରିବାରକୁ ଏହି ମାମଲାରେ ଟଣାଯାଉଥିବା ପିଟିସନରେ ସେ ଦର୍ଶାଇଥିଲେ ।  କୋର୍ଟରେ ସିବିଆଇ କେସ ଡାଇରି ଓ ତଦନ୍ତର ସ୍ଥିତି ଦାଖଲ କରିବା ପରେ ଆରମ୍ଭ ହୋଇଥିଲା ଜବାବ ସୁଆଲ। ବିଷ୍ଣୁପଦଙ୍କ ବିରୋଧରେ ସିବିଆଇ ନିକଟରେ ଯଥେଷ୍ଟ ପ୍ରମାଣ ଥିବା ଉପଲବ୍ଧି କରିଛନ୍ତି ହାଇକୋର୍ଟ । ନଜର ପକାନ୍ତୁ ମାମଲାର ଶୁଣାଣି ବେଳେ କଣ କହିଛନ୍ତି କୋର୍ଟ । 

 କ'ଣ କହିଲେ ହାଇକୋର୍ଟ?
- ଦୁର୍ନୀତିର କ୍ଷମତା ଏକ ଛାଇ ପରି 
- କ୍ଷମତାରେ ଥିବା ବ୍ୟକ୍ତିଙ୍କୁ ଦୁର୍ନୀତିର ଛାଇ ଅନୁସରଣ କରେ  
- ରେକର୍ଡରେ ଥିବା ପ୍ରମାଣ ଆଧାରରେ ଆବେଦନକାରୀଙ୍କ ଦୁର୍ନୀତିର ଅବାଧ ତଦନ୍ତ ଜରୁରୀ
- ଆବେଦନକାରୀ ଉଚ୍ଚପଦବୀରେ ଥିବାରୁ ଅଧିକ ଉତ୍ତରଦାୟୀ ହେବା ଉଚିତ
- ଏଭଳି ଗୁରୁତର ମାମଲାରେ ଆବେଦନକାରୀଙ୍କୁ ଆଗୁଆ ଜାମିନ ମିଳିପାରିବନି 
- ୨୦୧୯ରେ ପି ଚିଦାମ୍ୱରମ ବନାମ ଇଡି ମାମଲାର ଦେଲେ ଉଦାହରଣ 
- ଅର୍ଥନୈତିକ ଅପରାଧ ସହ ଜଡିତ ମାମଲାରେ ଆଗୁଆ ଜାମିନ ଦେଇହେବନି 
- ୧୦ ଲକ୍ଷ ଲାଞ୍ଚ କାରବାରରେ ଆବେଦନକାରୀଙ୍କ ସଂପୃକ୍ତି ଥିବା ସିବିଆଇ କହିଛି 
- ଆବେଦନକାରୀଙ୍କ ଝିଅ ଓ ସ୍ତ୍ରୀ ଦାମୀ ଉପହାର ନେଇଛନ୍ତି 
- ବିଷ୍ଣୁପଦଙ୍କ ଝିଅ ମାକ୍‌ ବୁକ୍ ଓ ଲଗଜୁରି ଘଣ୍ଟା ଉପହାରରେ ନେଇଥିବା ସିବିଆଇ କହିଛି
- ଅଭିଯୁକ୍ତ ଚଞ୍ଚଳ ରାଣାର ଫୋନରୁ ଦେବଦତ୍ତଙ୍କୁ କଲ କରିଥିଲେ ବିଷ୍ଣୁପଦ   
- ଏହାର ରେକର୍ଡିଂ ଉପଲବ୍ଧ ଥିବା ସିବିଆଇ ଦାବି କରିଛି 
- ସିଏଫଏସଏଲ ରିପୋର୍ଟରୁ କଣ୍ଠସ୍ୱର ବିଷ୍ଣୁପଦଙ୍କ ସହ ମେଳ ଖାଉଥିବା ଜଣାପଡ଼ିଛି  
- ଦେବଦତ୍ତଙ୍କ ନାଁରେ ରେଜିଷ୍ଟ୍ରେସନ ହୋଇଥିବା ମୋବାଇଲରୁ ବିଷ୍ଣୁପଦ ହ୍ୱାଟସଆପ ବ୍ୟବହାର କରିଛନ୍ତି