୩ ନିଷ୍ପାପ ଶିଶୁଙ୍କ କାନ୍ଦରେ ଫାଟିପଡୁଛି ଘର ଅଗଣା; ଶେଯରେ ପଡି ଛଟପଟ ହେଉଥିବା ବାପାଙ୍କୁ ଦେଖି ବୋଲ ମାନୁନି ଲୁହ

କନକ ବ୍ୟୁରୋ: କାହାର ପୁଷ ମାସ କାହାର ସର୍ବନାଶ । କିଏ ଦୀପ ଜାଳି, ବାଣ ଫୁଟାଇ ମଉଜ କଲାବେଳେ ଏଠି କାନ୍ଦି କାନ୍ଦି ଗଡିଯାଉଛି ସ୍ତ୍ରୀ, ଆବାକ୍ ହୋଇଯାଉଛନ୍ତି ୩ ପିଲା । କିଛି ବୁଝିପାରୁନଥିବା କୁନି ଝିଅ ବି ବାପାକୁ ଦେଖି ବିକଳ ହୋଇ କାନ୍ଦୁଛି । ଏ ଦୃଶ୍ୟ ଦେଖିବା ପରେ ମନରେ ଏତିକି ପ୍ରାର୍ଥନା, ହେ ଭଗବାନ୍ ଏଭଳି ଦୁଃଖ କାହାକୁ ନଦିଅ । 

ଏ କଷ୍ଟ ଖଟିଆ ଉପରେ ପଡିରହିଥିବା ଘରର ମୁରବୀଙ୍କ ପାଇଁ । ଇଏ ହେଉଛନ୍ତି ବାଲେଶ୍ୱର ଜଳେଶ୍ୱର ଦେବକୁମାର ଗାଁର ଭଗବାନ ଦଳାଇ । ଦିନ ଥିଲା ଘର ଚଳାଇବାକୁ ରାଜ୍ୟ ବାହାରକୁ ଯାଇ କାମ କରୁଥିଲେ । ହେଲେ ହଠାତ୍ ସବୁ ଓଲଟପାଲଟ ହୋଇଗଲା । ୫ ମହଲା ବିଲ୍ଡିଂ କାମ କରୁ କରୁ ଉପରୁ ଖସିପଡିଲେ  । ଫଳରେ ତାଙ୍କ ମେରୁଦଣ୍ଡରେ ଗଭୀର ଆଘାତ ଲାଗିଥିଲା । ସେଦିନଠୁ ଆଉ ଚାଲିନପାରି , ଖଟଉପରେ ଏମିତି ପଡିରହିଛନ୍ତି । ଥରେ ଅସ୍ତ୍ରୋପଚାର ହୋଇଥିଲେ ବି କିଛି ଲାଭ ହେଲାନି । ଆଉ ଚିକିତ୍ସା କରିବାକୁ ବି କାଣିକଉଡିଟେ ନାହିଁ । ବିଲ ବୋଲି ଗୁଣ୍ଠେ ବି ନାହିଁ । ସ୍ୱାମୀ ଶେଯରେ ପଡିବା ଦିନୁଁ ୫ ପ୍ରାଣୀ କୁଟୁମ୍ବଙ୍କ ଅବସ୍ଥା ବାରଣାଦିକଡା ହୋଇଯାଇଛି । ଏବେ ତ ପର ହାତ ଟେକାରେ ଚାଲିଛି ଜୀବନ
 

ସ୍ୱାମୀ ରୋଗଶଯ୍ୟାରେ ପଡିବା ପରେ ସାହା ବୋଲି ଆଉ କେହି ନାହିଁ । କିଏ ହାତ ଟେକି ଦିଟା ଦେଲେ ପେଟରେ ଦାନା ପଡୁଛି । ଯୋଉଦିନ କିଛି ନମିଳେିଲେ ଖାଡା ଉପାସ । ଯୁଆଡେ ଗଲେ ଗଲେ  ବି ଆଖି କିନ୍ତୁ ବୋଲ ମାନୁନି ।   ମା’ ଛୁଆଙ୍କ ଲୁହ ଦେଖି ଗାଁ ଲୋକଙ୍କ ଆଖି ଭିଜୁଛି । ସମସ୍ତଙ୍କ ଆଖିରେ ଆଖିଏ ଲୁହ । ...

ଭଗବାନଙ୍କ ଏଭଳି ଅବସ୍ଥା ଜାଣି ସାହାଯ୍ୟର ହାତ ବଢାଇଛନ୍ତି ସ୍ଥାନୀୟ ସ୍ୱେଚ୍ଛାସେବୀ ସଙ୍ଗଠନ ହେଲ୍ପ ଫର୍ ୟୁ ଫାଉଣ୍ଡେସନ୍ । ପରିବାର ପାଇଁ ମାସକର ରାସନ ସହ ପିଲାଙ୍କ ପାଇଁ ପୋଷାକ ଓ କିଛି ଆର୍ଥିକ ସହାୟତା ଦେଇଛନ୍ତି ସଙ୍ଗଠନ ସଦସ୍ୟ । ହେଲେ ଏ ସହାୟତା ବା କେତେ ଦିନର । ବରଂ ଏପରିବାରର ଦୁଃଖ ଲାଘବ କରିବାକୁ ଆପଣଙ୍କ ସାହାଯ୍ୟ ଲୋଡା । ଆପଣଙ୍କର କିଛି କିଛି ସାହାଯ୍ୟ ଭଗବାନଙ୍କ ଯନ୍ତ୍ରଣା ଲାଘବ କରିପରିବ । ବାଣ ଫୁଟାଇ ଖୁସି ହେବା ବଦଳରେ ସାହାଯ୍ୟକରି କାହାରି ମନରେ ହସ ଫୁଟାଇବା ।
ତେବେ ଭଗବାନଙ୍କୁ ସାହାଯ୍ୟ କରିବାକୁ ଚାହୁଁଥିଲେ ଠିକଣା: 

Bisnupriya Dalai

Central Bank of India

Branch-Jaleswar

Account no- 5698306222

Branch code- 4087

Phone pay- 7077441817