କନକ ବ୍ୟୁରୋ : କଟକ ମାହାଙ୍ଗା ବ୍ଲକର ସବୁ କର୍ମଚାରୀଙ୍କ ମାସକର ଦରମା ବନ୍ଦ । ଜୁଲାଇ ମାସର ଦରମା ବନ୍ଦ ପାଇଁ ନିର୍ଦ୍ଦେଶ ଦେଇଛନ୍ତି କଟକ ଜିଲ୍ଲାପାଳ । ଦରମା ବନ୍ଦ ପାଇଁ ଜିଲ୍ଲା ମୁଖ୍ୟ ଉନ୍ନୟନ ଅଧିକାରୀ, ମାହାଙ୍ଗା ବିଡିଓଙ୍କୁ ଚିଠି ଜରିଆରେ ସୁପାରିସ୍ କରିଥିଲେ। ଏହାକୁ ଆଧାର କରି ଜିଲ୍ଲାପାଳ ଏପରି କଡ଼ା ଆଭିମୁଖ୍ୟ ଗ୍ରହଣ କରିଛନ୍ତି । ଜୁଲାଇ ୨୫ ତାରିଖ ଚତୁର୍ଥ ଶନିବାର ଛୁଟି ଦିନ ହୋଇଥିଲେ ମଧ୍ୟ ଲଗାଣ ବର୍ଷା ଓ ବିପର୍ଯ୍ୟାକୁ  ଲକ୍ଷ୍ୟ କରି ଜିଲ୍ଲପାଳ, କଟକ ଜିଲ୍ଲାର ସମସ୍ତ ସରକାରୀ କାର୍ଯ୍ୟାଳୟ  କର୍ମଚାରୀଙ୍କ ଛୁଟି ବାତିଲ କରିଥିଲେ ଏବଂ କାର୍ଯ୍ୟାଳୟରେ  ଉପସ୍ଥିତ ରହିବାକୁ କଡା ନିର୍ଦ୍ଦେଶ ଦେଇଥିଲେ । କିନ୍ତୁ ମାହାଙ୍ଗା ବ୍ଲକରେ ସେଦିନ କୌଣସି କର୍ମଚାରୀ ଉପସ୍ଥିତ ନଥିଲେ। ଏହି ଅଭିଯୋଗ ପାଇବା ପରେ ମାହାଙ୍ଗା ବ୍ଲକର ସମସ୍ତ କର୍ମଚାରୀଙ୍କ ଜୁଲାଇ ମାସର ଦରମା ବନ୍ଦ କରାଯାଇଛି ।