ଟ୍ରଫି ଧରି ଫେରିଲେ ଚାମ୍ପିଅନ୍ ଓଡ଼ିଶା ହକି ଟିମ୍ ; ଓଡିଶାରେ ଭବ୍ୟ ସ୍ୱାଗତ

କନକ ବ୍ୟୁରୋ : ଓଡିଶା ଫେରିଲେ ଚାମ୍ପିଅନ୍ ହକି ଟିମ୍ । ଜାତୀୟ ସିନିଅର ହକି ଚାମ୍ପିଅନସିପରେ ସ୍ବର୍ଣ୍ଣ ପଦକ ଜିତିବା ପରେ ଆଜି ଭୁବନେଶ୍ବରରେ ପହଞ୍ଚିଛନ୍ତି । ଭୁବନେଶ୍ବରରେ ପହଞ୍ଚିବା ପରେ ଚାମ୍ପିଅନ ଓଡ଼ିଶା ଟିମକୁ ଭବ୍ୟ ସ୍ବାଗତ କରାଯାଇଛି । ଚେନ୍ନାଇରେ ଅନୁଷ୍ଠିତ ଫାଇନାଲରେ ହରିୟାଣାକୁ ୫-୧ ଗୋଲରେ ପରାସ୍ତ କରିଥିଲା ଓଡ଼ିଶା । ଏଥିସହ ପ୍ରଥମଥର ପାଇଁ ପୁରୁଷ ହକି ଚାମ୍ପିଅନସିପରେ ସ୍ଵର୍ଣ୍ଣ ପଦକ ହାସଲ କରି ଇତିହାସ ରଚିଛି ଓଡ଼ିଶା ହକି ଟିମ୍ । ଶିଳାନନ୍ଦ ଲାକ୍ରା ଏକାକୀ ୩ଟି ଗୋଲ ଦେଇଥିଲେ । ସେହିପରି ଆକାଶ ତିର୍କୀ ଓ ପ୍ରତାପ ଲାକ୍ରା ଗୋଟିଏ ଲେଖାଏଁ ଗୋଲ କରିଥିଲେ ।