କନକ ବ୍ୟୁରୋ : ପକ୍ଷୀ ବଢ଼ାଇଛି ପ୍ରମୁଖ ବିମାନବନ୍ଦରର ସୁରକ୍ଷା ଚିନ୍ତା । ସବୁଠାରୁ ବ୍ୟସ୍ତବହୁଳ ୨୦ଟି ବିମାନବନ୍ଦରରେ ଗତ ଦୁଇ ବର୍ଷ ମଧ୍ୟରେ ବିମାନରେ ୨,୦୦୦ ପକ୍ଷୀ ଓ ପଶୁମାଡ଼ ରେକର୍ଡ କରାଯାଇଛି । ତେବେ ଚଳିତ ବର୍ଷ ଏହି ସଂଖ୍ୟା କମିଛି, କାରଣ ପ୍ରଥମ ପାଞ୍ଚ ମାସରେ ଏପର୍ଯ୍ୟନ୍ତ ମାତ୍ର ୬୪୧ଟି ‘ଆଘାତ' ରେକର୍ଡ କରାଯାଇଛି । ଦିଲ୍ଲୀ ବିମାନବନ୍ଦର ଏକ୍ଷେତ୍ରରେ ପ୍ରଥମରେ ଥିବା ବେଳେ ଦ୍ବିତୀୟରେ ରହିଛି ଅହମ୍ମଦାବାଦ ବିମାନବନ୍ଦର । ବିମାନ ବନ୍ଦରରେ ପକ୍ଷୀ-ପଶୁ ଉପଦ୍ରବକୁ ମୁକାବିଲା କରିବା ଦିଲ୍ଲୀସ୍ଥିତ ଡିଜିସିଏ ମୁଖ୍ୟାଳୟରେ ବୈଠକ ଡକାଯାଇଥିଲା । ଏଥିରେ ଦେଶର ସମସ୍ତ ବିମାନ ବନ୍ଦର ଓ ଏୟାରଲାଇନ୍ସର ପ୍ରତିନିଧିମାନେ ଅଂଶଗ୍ରହଣ କରିଥିଲେ । ଏଥିରେ ଆଶ୍ଚର୍ଯ୍ୟଜନକ ଦିଗ ସାମ୍ନାକୁ ଆସିଥିଲା, ସମସ୍ତ ବିମାନ ବନ୍ଦରରେ ପକ୍ଷୀ ପ୍ରଜାତି ଚିହ୍ନଟରେ ଅଭାବ ଦେଖାଦେଇଛି । କେବଳ ୨୪% କ୍ଷେତ୍ରରେ ପକ୍ଷୀ ପ୍ରଜାତି ଚିହ୍ନଟ ହୋଇଛି ବୋଲି ଅଧିକାରୀମାନେ କହିଛନ୍ତି ।  କେତକ ବିମାନବନ୍ଦରରେ ବାଦୁଡ଼ି ଏକ ବଡ଼ ବିପଦ ଭାବେ ଉଭା ହୋଇଛି । ପକ୍ଷୀମାଡ଼ର ମୁକାବିଲା ପାଇଁ ବ୍ଲାକ୍ ଲାଇଟ୍ ଟ୍ରାପ୍, ପୋଲ ପିଜିଅନ, ନାଇଟ୍ ଭିଜନ ବାଇନୋକୁଲାର, ବ୍ୟାଟ୍ ଡିଟେକ୍ସନ ଡିଭାଇସ୍, ଏଭିଆନ୍ ଡିଫେଣ୍ଡର୍ସ ଏବଂ ଜୀବବିଜ୍ଞାନୀଙ୍କୁ ନିୟୋଜିତ କରିବା ଭଳି କୌଶଳ ଅବଲମ୍ବନ କରାଯାଉଛି । 
 ପକ୍ଷୀ ବଢ଼ାଉଛି
ବିମାନବନ୍ଦରର ସୁରକ୍ଷା ଚିନ୍ତା
ଦିଲ୍ଲୀ ବିମାନବନ୍ଦରରେ ସର୍ବାଧିକ ପକ୍ଷୀ ମାଡ଼ ହୋଇଛି
ଡିଜିସିଏ ପକ୍ଷରୁ ଦିଆଯାଇଥିବା ତଥ୍ୟ ଅନୁଯାୟୀ ଦିଲ୍ଲୀ ସବୁଠୁ ଆଗରେ
୨୦୨୨ରେ ୨୦ ବିମାନବନ୍ଦରରେ ୧୬୩୩ଟି ପକ୍ଷୀ-ପଶୁ ମାଡ଼ ହୋଇଥିଲା
୨୦୨୩ରେ ୨୨୬୯,  ୨୦୨୪ରେ ୨୦୬୬ ପକ୍ଷୀ ମାଡ ହୋଇଥିଲା
ତିନି ବର୍ଷ ମଧ୍ୟରେ ଦିଲ୍ଲୀରେ ବାର୍ଷିକ ହାରାହାରି ୪୦୦ରୁ ଘଟଣା ଘଟିଛି
୨୦୨୨ରେ ୪୪୨, ୨୦୨୩ରେ ୬୧୬ ଓ ୨୦୨୪ରେ ୪୧୯ ପଶୁପକ୍ଷୀ ମାଡ଼ ହୋଇଛି
 ୨୦୨୫ରେ ଏପର୍ଯ୍ୟନ୍ତ ୯୫ଟି ହିଟ ରେକର୍ଡ କରଯାଇଛି 
ଅହମଦାବାଦ ହେଉଛି ଦ୍ବିତୀୟ ସର୍ବାଧିକ ପ୍ରଭାବିତ ବିମାନବନ୍ଦର
୨୦୨୨ରେ ୮୦, ୨୦୨୩ରେ ୨୧୪ ଓ ୨୦୨୪ରେ ୨୦୧ ପଶୁପକ୍ଷୀ ମାଡ଼ ହୋଇଥିଲା
୨୦ଟି ବିମାନବନ୍ଦରରେ ଗତ ଦୁଇ ବର୍ଷରେ ବିମାନରେ ୨,୦୦୦ ପକ୍ଷୀପଶୁ ମାଡ଼ ହୋଇଛି 
ଚଳିତ ବର୍ଷର ଏବେସୁଦ୍ଧା  ମାତ୍ର ୬୪୧ଟି ପକ୍ଷୀ ମାଡ ରେକର୍ଡ କରାଯାଇଛି
କେତକ ବିମାନବନ୍ଦରରେ ବାଦୁଡ଼ି ଏକ ବଡ଼ ବିପଦ ଭାବେ ଉଭା ହୋଇଛି
ପକ୍ଷୀମାଡ଼ର ମୁକାବିଲା ପାଇଁ ବ୍ଲାକ୍ ଲାଇଟ୍ ଟ୍ରାପ୍ କରାଯାଇଛି
ପୋଲ ପିଜିଅନ, ନାଇଟ୍ ଭିଜନ ବାଇନୋକୁଲାର, ବ୍ୟାଟ୍ ଡିଟେକ୍ସନ ଡିଭାଇସ୍ ବ୍ୟବସ୍ଥା ଅଛି
ଏଭିଆନ୍ ଡିଫେଣ୍ଡର୍ସ ଏବଂ ଜୀବବିଜ୍ଞାନୀଙ୍କୁ ନିୟୋଜିତ କରିବା ଭଳି କୌଶଳ ଅବଲମ୍ବନ