ସାମ୍ନାକୁ ଆସିଲେ ସୈଫ ଅଲି ଖାନଙ୍କୁ ହସ୍ପିଟାଲ ନେଇ ଯାଇଥିବା ଅଟୋ ଡ୍ରାଇଭର: ଘରୁ ଡାକ୍ତରଖାନା ପର୍ୟ୍ୟନ୍ତ ନେଇ ଯିବାର ଘଟଣାକ୍ରମ କହିଲେ ଭଜନ ସିଂହ ରାଣା

କନକ ବ୍ୟୁରୋ: ଗୁରୁବାର ସୈଫ ଅଲ୍ଲୀ ଖାନଙ୍କ ଉପରେ ଛୁରୀରେ ଆକ୍ରମଣ ହୋଇଥିଲା। ଏହି ଆକ୍ରମଣ ପରେ, ସେ ରକ୍ତ ଜୁଡୁବୁଡୁ ଏକ ଅଟୋ ରିକ୍ସାରେ ହସ୍ପିଟାଲରେ ପହଞ୍ଚିଥିଲେ। ଏବେ ସେହି ଅଟୋ ଡ୍ରାଇଭର ସେଦିନ ରାତିର ଘଟଣା ବିଷୟରେ ସମ୍ପୂର୍ଣ୍ଣ କାହାଣୀ ବଖାଣିଛନ୍ତି। ଅଟୋ ଡ୍ରାଇଭର କହିଛନ୍ତି, ‘ଆମେ ଆସୁଥିଲୁ, ହଠାତ୍ ଏକ ଶବ୍ଦ ଶୁଣିଲୁ। ଦୂରରୁ ଜଣେ ଆଣ୍ଟି ଦୂରରୁ ଡାକିଲେ, ରିକ୍ସା-ରିକ୍ସା।’ ତେଣୁ ମୁଁ ମଧ୍ୟ ଭୟଭୀତ ହୋଇଗଲି। ତା’ପରେ ଗେଟ୍ ରୁ ମଧ୍ୟ ଗୋଟିଏ ଶବ୍ଦ ଆସିଲା। ତେଣୁ ମୁଁ ୟୁ-ଟର୍ନ ନେଇ ଗେଟ୍ ପାଖକୁ ଗଲି ଏବଂ ସେଠାରେ ଗାଡି ପାର୍କ କଲି। ଅଟୋ ଡ୍ରାଇଭର ଆହୁରି କହିଥିଲେ, ”ସେ ସମୟରେ ମୁଁ ଏହା ଜାଣି ନ ଥିଲି କି ସେ ସୈଫ ଅଲି ଖାନ। ସେ ଏକ କୁର୍ତ୍ତା ପିନ୍ଧିଥିଲେ, ଯାହା ସମ୍ପୂର୍ଣ୍ଣ ରକ୍ତ ହୋଇସାରିଥିଲା। ପୁରା ଶରୀରରେ ଜଖମ ଥିଲା। ଏହା ଦେଖି ମୁଁ ଆଶ୍ଚର୍ୟ୍ୟ ହୋଇଯାଇଥିଲି। ଏହାପରେ ତାଙ୍କୁ ହସ୍ପିଟାଲରେ ପହଞ୍ଚାଇଥିଲି। ସେଠାରେ ଏକ ଆମ୍ବୁଲାନ୍ସ ଥିଲା , ସେ ହଟିବା ପରେ ଅଟୋ ସାଇଡ କରିଥିଲି। ପରେ ଯାଇଁ ଦେଖିଲି କେହି ଷ୍ଟାର ଏପରି ଅବସ୍ଥାରେ।”