କିଏ ଜିତିବ ଆମେରିକା ବାଜି । କମଲା ହାରିସ ଓ ଟ୍ରମ୍ପଙ୍କ ମଧ୍ୟରେ ଟକ୍କର । କମଲାଙ୍କ ପାଇଁ କିନ୍ତୁ ଭାରତରେ ଚାଲିଛି ମିଠାବଣ୍ଟା

କନକ ବ୍ୟୁରୋ:  ଭାରତର  ଏକ  ଗାଁରେ ଚାଲିଛି ଆମେରିକା ଉପରାଷ୍ଟ୍ରପତିଙ୍କ ପାଇଁ ପୂଜାର୍ଚ୍ଚନା । ଆମେରିକାର ରାଷ୍ଟ୍ରପତି  ନିର୍ବାଚନ ଲଢୁଥିବା କମଲା ହାରିସଙ୍କ ପାଇଁ ଭାରତର ଏକ  ଗାଁରେ ପୂଜାର୍ଚ୍ଚନା ସହ ମିଠା ବଣ୍ଟା ଚାଲିଛି ।  ଥୁଲାସେନ୍ଦ୍ରପୁରମ୍  ଗାଁର  ରାସ୍ତା ପାଶ୍ୱର୍ରେ  କମଲା ହାରିସଙ୍କ ଏକ ବଡ ବ୍ୟାନର ଲଗାଯାଇଛି । ଗୀର୍ଜାଘରେ   ତାଙ୍କ ବିଜୟ ପାଇଁ  ପ୍ରାର୍ଥନା କରୁଛନ୍ତି  ଗ୍ରାମବାସୀ । ଏଥିସହିତ  ଲୋକଙ୍କୁ  ମିଠା  ମଧ୍ୟ ବଣ୍ଟା ଯାଉଛି ।  ୱାସିଙ୍ଗଟନ୍ ଡିସି ରୁ ୧୪ ହଜାର  କିମି.  ରୁ ଅଧିକ  ଦୂରରେ ଥିବା   ଦକ୍ଷିଣ ଭାରତୀୟ   ଗାଁ ହେଉଛି  ଥୁଲାସେନ୍ଦ୍ରପୁରମ୍  ।  ଏଠାକାର ବାସିନ୍ଦା ଆଗ୍ରହର ସହ ଅନାଇ ରହିଛନ୍ତି କମଲା ହାରିସ୍ ଆଗାମୀ ରାଷ୍ଟ୍ରପତି ନିର୍ବାଚନ ଜିତୁଛନ୍ତି କି ନାହିଁ ।  ଆମେରିକାରେ  ୫ ନମ୍ଭେମ୍ବରରେ    ରାଷ୍ଟ୍ରପତି  ପଦ ପାଇଁ  ନିର୍ବାଚନ ହେବାକୁ ଯାଉଛି ।  ତେବେ ଗ୍ରାମବସୀଙ୍କ କହିବାନୁଯାୟୀ  କମଲା ହାରିସ୍ ନିର୍ବାଚନ ଜିତନ୍ତୁ କି ନଜିତନ୍ତୁ  କିନ୍ତୁ ସେ ଆମେରିକାରେ  ରାଷ୍ଟ୍ରପତି ନିର୍ବାଚନ ଲଢୁଛନ୍ତି ସେଇଟା ହିଁ ଆମ ପାଇଁ ଖୁସିର ବିଷୟ ।  ତେବେ କଣ ପାଇଁ ଏତେ ଖୁସି  ଏହି ଗାଁର ଗ୍ରାମବାସୀ..? କଣ ରହିଛି ଏହି ଗାଁ ସହିତ କମଲା ହାରିସଙ୍କ  ସମ୍ପର୍କ ?  ଆସନ୍ତୁ ଜାଣିବା...

 ଥୁଲାସେନ୍ଦ୍ରପୁରମ୍  ଏକ ଛୋଟ ଗାଁ ।  ଯାହା ଚେନ୍ନାଇରୁ  ପାଖାପାଖି ୩୦୦ କିମି ଦୂରରେ ଅବସ୍ଥିତ ।  ଏହି ଗାଁ ରେ  କମଲା ହାରିସଙ୍କ  ଜେଜେ ବାପା ପିବି ଗୋପାଲନ ଜନ୍ମଗ୍ରହଣ କରିଥିଲେ । ଏଠାକାର ଲୋକମାନେ ବଡ ଗର୍ବର ସହ  ରାସ୍ତା ମଝିରେ  କମଲା ହାରିସଙ୍କ ଏକ ବଡ ବ୍ୟାନର ଲଗାଇଛନ୍ତି ।  ଜଣେ ସ୍ଥାନୀୟ ରାଜନେତା କହିଛନ୍ତି, ସେ  ନିର୍ବାଚନ ଜିତନ୍ତୁ କି ନଜିତନ୍ତୁ ଆମ ପାଇଁ କିଛି  ଗୁରୁତ୍ୱପୂର୍ଣ୍ଣ ନୂହେଁ  ବରଂ ଆମ ପାଇଁ ଗୁରୁତ୍ୱ  ଏହା ଯେ  ସେ ନିର୍ବାଚନ ଲଢୁଛନ୍ତି ।  ଏହା ଐତିହାସିକ ଏବଂ ଆମକୁ ଗୌରବାନ୍ୱିତ  କରୁଛି ।  କମଲା ହାରିସ୍ ସବୁବେଳେ  ନିଜ ମାଙ୍କ ବିଷୟରେ କହିଥାନ୍ତି । କାରଣ ତାଙ୍କ ମା  ଭାରତୀୟ ବଂଶଜ ।  କମଲା ହାରିସ୍ ଯତେବେଳେ ୫ ବର୍ଷର ଥିଲେ  ସେତେବେଳେ ସେ  ଏହି ଗାଁ ଥୁଲସେନ୍ଦ୍ରପୁରମ୍‌କୁ  ଆସିଥିଲେ ।

 ସେହିସମୟରେ  ସେ ତାଙ୍କ ଜେଜେ ବାପାଙ୍କସହ  ଅଧିକ  ସମୟ ଏଠାରେ ବିତାଇଥିଲେ ।  ଶେଷ ଥର  ୨୦୦୯ ରେ ଆସିଥିଲେ  ତାଙ୍କ ମା ଙ୍କ  ଅସ୍ତିବିସର୍ଜନ  କରିବା ପାଇଁ ।  କିନ୍ତୁ  ଉପରାଷ୍ଟ୍ରପତି ହେବା ଦିନଠୁ ଆଉ  ଏହି  ଗାଁକୁ ଆସିନାହାଁନ୍ତି । ହେଲେ ତାଙ୍କ ଉପସ୍ଥିତି  ଗାଁ ର ଦୋକାନ  ଏବଂ ଘରେ ଲାଗିଥିବା ତାଙ୍କ  ପୋଷ୍ଟରରୁ ହିଁ  ଜଣାପଡୁଛି ।  ସ୍ଥାନୀୟ ମନ୍ଦିର ନିକଟରେ ଲାଗିଥିବା  ତାଙ୍କର ଏକ ବଡ ବ୍ୟାନରରେ କମଲା ହାରିସ୍‌ଙ୍କୁ  ଗାଁର  ମହାନ ଝିଅ ବୋଲି କୁହାଯାଇଛି ।   ତେବେ  ଥୁଲାସେନ୍ଦ୍ରପୁରମ୍ ରେ କମଲା ହାରିସଙ୍କ  ପରିବାରର  କୌଣସି ସମ୍ପର୍କୀୟ ଆଉ ଜୀବିତ  ନାହାଁନ୍ତି ।   ସେଠାରେ ତାଙ୍କର   କେବଳ ଏକ  ପୈତୃକ  ଘର ରହିଛି । ଏଥିସହିତ କମଲା ହାରିସଙ୍କ  ପରିବାରର  ନାଁ ୩୦୦ ବର୍ଷ ପୁରୁଣା  ଏକ ମନ୍ଦିରର ପଥରରେ   ଲେଖା ଥିବା କୁହାଯାଉଛି ।