କାଲିଠୁ ଭାରତ-ଅଷ୍ଟ୍ରେଲିଆ ସିଡନୀ ଟେଷ୍ଟ । ଖେଳିବେନି ରୋହିତ ! ବୁମରା ହେବେ କ୍ୟାପଟେନ୍

କନକ ବ୍ୟୁରୋ: କାଲିଠୁ ଖେଳାଯିବ ବର୍ଡର-ଗାଭାସ୍କର ଟେଷ୍ଟ ସିରିଜର ସିଡନୀ ଟେଷ୍ଟ । ତେବେ ଏହା ପୂର୍ବରୁ ଟିମ୍ ଇଣ୍ଡିଆକୁ ନେଇ ଆସିଛି ବଡ ଖବର । ଶେଷ ଟେଷ୍ଟରେ ଦଳରେ ନଜର ନ ଆସିପାରନ୍ତି ଦଳର କ୍ୟାପଟେନ୍ ରୋହିତ ଶର୍ମା । ତାଙ୍କ ସ୍ଥାନରେ ଦଳରେ ଶୁଭମନ୍ ଗିଲ୍ ଏଣ୍ଟ୍ରି ମାରିପାରନ୍ତି ବୋଲି ଜଣାପଡିଛି ।

ସୂଚନା ମୁତାବକ, କାଲି ଭାରତୀୟ ସମୟ ସକାଳ ୫ଟାରୁ ଏହି ମ୍ୟାଚ୍ ଆରମ୍ଭ ହେବାକୁ ଅଛି । ୪.୩୦ ମିନିଟ୍ ସମୟରେ ଟସ୍ ପଡିବ । ତେବେ ରୋହିତ ଶର୍ମାଙ୍କ ଅନୁପସ୍ଥିତିରେ ଜଶପ୍ରୀତ ବୁମରା ଦଳର ଅଧିନାୟକ ଭାର ସମ୍ଭାଳିବେ ।

ତେବେ ରୋହିତଙ୍କ ସ୍ଥାନରେ ଶୁଭମନ୍ ଗିଲ୍ ଚୂଡ଼ାନ୍ତ ଏକାଦଶରେ ସାମିଲ ହେବା ଏକପ୍ରକାର ପକ୍କା । ରୋହିତଙ୍କ ଅନୁପସ୍ଥିତିରେ ଯଶସ୍ୱୀ ଜୟସଓ୍ୱାଲଙ୍କ ସହ ଓପନିଂ କରିବେ କେ ଏଲ ରାହୁଲ । ଏହାପରେ ଶୁଭମନ୍ ଗିଲ୍ ବ୍ୟାଟିଂ କ୍ରମରେ ନଜର ଆସିପାରନ୍ତି । ତେବେ ଶେଷ ଟେଷ୍ଟରେ ରିଷଭ ପନ୍ତଙ୍କ ଜାଗାରେ ଧ୍ରୁବ୍ ଜୁରେଲ୍ ମଧ୍ୟ ଚୂଡାନ୍ତ ଏକାଦଶରେ ସାମିଲ ହେଇପାରନ୍ତି ବୋଲି କିଛି ଜାତୀୟ ଗଣମାଧ୍ୟମରେ ଚର୍ଚ୍ଚା ହେଉଛି ।