କନକବ୍ୟୁରୋ : ଆଜି ଭୁବନେଶ୍ୱରରେ ଗର୍ଜିବେ ୪୮୮ ବର୍ଗ ଶିକ୍ଷକ ଓ କର୍ମଚାରୀ ସଂଘ  ।  ଚାକିରୀ ସର୍ତ୍ତାବଳୀ ଓ ପେନସନ ଦାବିରେ କରିବେ ଆନ୍ଦୋଳନ  । ଭୁବନେଶ୍ୱର ଲୋୟର  ପିଏମଜିରେ ଆୟୋଜିତ ହେବାକୁ ଥିବା ଆନ୍ଦୋଳନରେ ହଜାର ହଜାର ଶିକ୍ଷକ ଓ କର୍ମଚାରୀ ସାମିଲ ହେବେ ବୋଲି ସଂଘ କହିଛି  । ୪୮୮ ବର୍ଗ  ମହାବିଦ୍ୟାଳୟ ମାନଙ୍କରେ କାର୍ଯ୍ୟରତ ୨୦୦୯ ଗ୍ରାଣ୍ଟ ଇନ  ଏଡ ନିୟମରେ ଅନୁଦାନ ପାଇଥିବା ଅଧ୍ୟାପକ ଓ କର୍ମଚାରୀମାନେ ୨୫ରୁ ୩୦ ବର୍ଷ କାର୍ଯ୍ୟ କଲାପରେ ମଧ୍ୟ ଚାକିରି ସର୍ତ୍ତାବଳୀ ଓ ପେନସନ ବ୍ୟବସ୍ଥା ହୋଇନଥିବା ସଂଘ କହିଛି    ।

Advertisment

ବର୍ତ୍ତମାନର ବିଜେପି ସରକାର ପୂର୍ବରୁ ୪୮୮ ବର୍ଗ ଶିକ୍ଷକ ଓ କର୍ମଚାରୀ ସଂଘ ସମର୍ଥନରେ ବିଧାନସଭାରେ ଶାସକ ଦଳକୁ ଘେରିଥିଲା। କିନ୍ତୁ ଏବେ ସରକାର ଗଢିବା ପରେ ମଧ୍ୟ ସଂଘର ଦାବି ପୂରଣ ପାଇଁ କୌଣସି ବ୍ୟବସ୍ଥା କରିନଥିବା ସଂଘ କହିଛି  ।  ସମସ୍ୟା ସମ୍ପର୍କରେ ମୁଖ୍ୟମନ୍ତ୍ରୀ ମୋହନ ମାଝି ସମେତ ଅନେକ ନେତାଙ୍କୁ ଭେଟିଲେ ବି ସମାଧାନ ବାହାରି ପାରୁନଥିବାରୁ ଆନ୍ଦୋଳନ କରିବାକୁ ନିଷ୍ପତ୍ତି ନିଆଯାଇଥିବା ସଂଘ ସଭାପତି କହିଛନ୍ତି  ।