ବିପଦରେ ଯାଜପୁରରେ ସର୍ବୋଚ୍ଚ ଧ୍ୟାନମଗ୍ନ ଶିବ ମୂର୍ତ୍ତି; ସେଲଫି ରିଲ୍ସ ପାଇଁ ମୂର୍ତ୍ତି ଉପରେ ଚଢୁଛନ୍ତି ଯୁବପିଢ଼ି

କନକ ବ୍ୟୁରୋ : ବିଗତ ସରକାର ଅମଳରେ ନିର୍ମାଣ ହୋଇଥିବା ଶିବ ମୂର୍ତ୍ତି ଏବେ ବିପଦରେ । ମହାଦେବଙ୍କ ଉପରେ ଚଢି ଫୋଟ ଉଠଉଛନ୍ତି ଯୁବପିଢି । ରିଲ୍ସି ପାଇଁ ଯୁବପିଢ଼ି ନିଜ ଜୀବନକୁ ବାଜିରେ ଲଗାଉଥିବା ଭିଡ଼ିଓ ଭାଇରାଲ । ଯାଜପୁରରେ ନିର୍ମାଣ ହୋଇଛି ସର୍ବୋଚ୍ଚ ଧ୍ୟାନମଗ୍ନ ଶିବ ମୂର୍ତ୍ତି । ବିଗତ ସରକାର ଅମଳରେ ନିର୍ମାଣ ହୋଇଥିବା ମୂର୍ତ୍ତି ଆଜି ପର୍ଯ୍ୟନ୍ତ ଉଦ୍‌ଘାଟନ ହୋଇନାହିଁ । ସେହି ମୂର୍ତ୍ତି ଉପରକୁ ଲୋକେ ଚଢ଼ି ଫଟୋ ଉଠାଉଥିବା ଦେଖିବାକୁ ମିଳିଛି । ଫଳରେ ଏହି ମୂର୍ତ୍ତିପ୍ରତି ବିପଦ ଦେଖାଦେଇଛି ।

ଏହା ସହିତ କୌଣସି ସମୟରେ ଅଘଟଣ ଘଟିବାର ଆଶଙ୍କା ଦେଖାଦେଇଛି । ବୁଦ୍ଧିଜୀବୀ ମହଲରେ ଏହାକୁ ନାପସନ୍ଦ କରାଯାଇଛି । ଏପରିକି ଧାର୍ମିକ ଭାବନାକୁ ଆଘାତ ଦେଇଛି ଯୁବପିଢିଙ୍କ ଦୁଃସାହାସିକ କାର୍ଯ୍ୟ । ଏଥିପାଇଁ ଜିଲ୍ଲା ପ୍ରଶାସନକୁ ଦାୟୀ କରିଛନ୍ତି ବୁଦ୍ଧିଜୀବୀ । ସେପଟେ ଏ ନେଇ ପଦକ୍ଷେପ ନିଆଯିବ ବୋଲି ପ୍ରତିଶ୍ରୁତି ଦେଇଛନ୍ତି ଜିଲ୍ଲାପାଳ ।