କନକ ବ୍ୟୁରୋ : ଭୁବନେଶ୍ବର ୟୁନିଟ୍-୪ ରାମପୁର ବସ୍ତିରେ ମହିଳାଙ୍କ ମୃତ୍ୟୁ, ହତ୍ୟା ଅଭିଯୋଗ ଆଣିଲେ ପରିବାର ଲୋକ । ମୃତ ମହିଳା ଜଣକ ନୟାଗଡ଼ ଜିଲ୍ଲାର ସ୍ବର୍ଣ୍ଣଲତା ମହାନନ୍ଦିଆ । ଦୁଇ ଦିନ ତଳେ ସ୍ବାମୀଙ୍କ ସହ ସ୍ବର୍ଣ୍ଣଲତାଙ୍କର କୌଣସି କାରଣକୁ ନେଇ ପାଟିତୁଣ୍ଡ ହୋଇଥିବା ବେଳେ ଆଜି ତାଙ୍କର ମୃତ୍ୟୁ ଘଟିଛି । ରାତିରେ ସ୍ତ୍ରୀ ବେକରେ ଗାମୁଛା ଲଗାଇ ଆତ୍ମହତ୍ୟା କରିଥିବା ସ୍ବାମୀ କହୁଥିବା ବେଳେ ପୁଲିସ ଆସିବା ପରେ ମୃତଦେହ ତଳେ ରଖାଯାଇଥିବା ନେଖିବାକୁ ମିଳିଛି । ଏହା ଆତ୍ମହତ୍ୟା ନୁହେଁ ହତ୍ୟା ବୋଲି ସ୍ବର୍ଣ୍ଣଲତାଙ୍କର ପରିବାର ଲୋକ ଅଭିଯୋଗ କରିଛନ୍ତି ।