କେନ୍ଦ୍ରାପଡ଼ା ବାରିମୂଳ ଜେଲ୍‌ ୱାଡରଙ୍କ ସନ୍ଦେହଜନକ ମୃତ୍ୟୁ : କାରଣ ଅସ୍ପଷ୍ଟ

କନକବ୍ୟୁରୋ : ଜେଲ ୱାର୍ଡରଙ୍କ ସନ୍ଦେହଜନକ ମୃତ୍ୟୁ । କେନ୍ଦ୍ରାପଡା ବାରିମୂଳସ୍ଥିତ ଜିଲ୍ଲା କାରାଗାରର ୱାର୍ଡର ବିଜୟ ପରିଡାଙ୍କର ସନ୍ଦେହଜନକ ଅବସ୍ଥାରେ ମୃତଦେହ ଉଦ୍ଧାର କରାଯାଇଛି। ଜେଲ୍ ନିକଟରେ ଥିବା ବାରାକରେ ବିଜୟଙ୍କ ମୃତଦେହ ଝୁଲନ୍ତା ଅବସ୍ଥାରେ ଠାବ କରିଛନ୍ତି ସହକର୍ମୀ । ଡ୍ୟୁଟି ସାରି ବାରାକକୁ ଫେରିଥିଲେ ବିଜୟ, ସଂଧ୍ୟାରେ ଦୁଇ ସହକର୍ମୀ ବାରାକକୁ ଫେରିଥିବା ବେଳେ ଝୁଲନ୍ତା ଅବସ୍ଥାରେ ବିଜୟଙ୍କ ମୃତଦେହ ଠାବ କରିଥିଲେ  ।

ଖବର ପାଇବା ପରେ ପୁଲିସ ଘଟଣା ସ୍ଥଳରେ ପହଁଚି ମୃତଦେହ ଜବତ କରି କେମିତି ଓ କେଉଁ ପରିସ୍ଥିତିରେ ବିଜୟଙ୍କ ମୃତ୍ୟୁ ହେଲା ତାର ତଦନ୍ତ କରୁଛି । ବିଜୟଙ୍କ ଘର ଆଠଗଡ଼ ଗୁରୁଡିଝାଟିଆ ହୋଇଥିବା ବେଳେ ସେ ୨ବର୍ଷ ହେବ ଚାକିରୀ କରୁଥିଲେ ।  ବର୍ଷେ ଟ୍ରେନିଂ ପରେ କେନ୍ଦ୍ରାପଡା ବାରିମୂଳସ୍ଥିତ ଜିଲ୍ଲା କାରାଗାରରେ ୱାର୍ଡର ଭାବେ ନିଯୁକ୍ତି ପାଇଥିଲେ ବିଜୟ । ତେବେ କେଉଁ ପରିସ୍ଥିତିରେ ତାଙ୍କର ମୃତ୍ୟୁ ଘଟିଛି ତାକୁ ନେଇ ସନ୍ଦେହ ବଢୁଛି ।