ସଂଶୋଧିତ ୱାକଫ୍ ଆଇନ ଉପରେ ସୋମବାର ସୁପ୍ରିମକୋର୍ଟ ଦେବେ ରୁଲିଂ, ସ୍ଥଗିତାଦେଶ ପାଇଁ ହୋଇଥିଲା ୨୫ଟି ଆବେଦନ

କନକ ବ୍ୟୁରୋ;  ୱାକଫ୍ ସଂଶୋଧନ ଆଇନ-୨୦୨୫ ଉପରେ ଆସନ୍ତା ସୋମବାର ସୁପ୍ରିମକୋର୍ଟ ଅନ୍ତରୀଣ ନିର୍ଦ୍ଦେଶ ବା ରୁଲିଂ ଦେବେ। ଏହି ନୂଆ ଆଇନର ବୈଧତା ନେଇ ସର୍ବୋଚ୍ଚ ଅଦାଲତରେ ୨୫ଟି ଆବେଦନ କରାଯାଇଥିଲା । ଏହା ଉପରେ ସୁପ୍ରିମକୋର୍ଟ ଲଗାତର ତିନିଦିନ ଶୁଣାଣି କରି ଗତ ମେ ମାସରେ ରୁଲିଂ ସଂରକ୍ଷିତ ରଖିଥିଲେ ।

ସଂସଦରେ ଗୃହୀତ ୱାକଫ୍ ସଂଶୋଧନ ଆଇନ-୨୦୨୫ର ବୈଧତାକୁ ନେଇ ଆବେଦନକାରୀ ପ୍ରଶ୍ନ କରିବା ସହିତ ଏହା ଉପରେ ସ୍ଥଗିତାଦେଶ ଜାରି ପାଇଁ ଆବେଦନକାରୀ ଯୁକ୍ତି ଦର୍ଶାଇଥିଲେ। ପ୍ରଧାନ ବିଚାରପତି ଜଷ୍ଟିସ୍ ଭୂଷଣ ଆର୍. ଗୱାଇ ଓ ଜଷ୍ଟିସ୍ ଏ.ଜି ମସିହଙ୍କୁ ନେଇ ଗଠିତ ଖଣ୍ଡପୀଠ  ଆସନ୍ତା ସୋମବାର ରୁଲିଂ ଦେବେ ।