ଦିବ୍ୟାଙ୍ଗଙ୍କୁ ପରିହାସ କଲେ ୟୁଟ୍ୟୁବର୍ ସମୟ ରୈନା , ରାଗିଗଲେ ସୁପ୍ରିମକୋର୍ଟ ଜଜ୍ .. କମେଡିର ବୁଝାଇଲେ ଅର୍ଥ

କନକ ବ୍ୟୁରୋ : ଫେମସ ୟୁଟ୍ୟୁବର ସମୟ ରୈନାଙ୍କୁ ତାଙ୍କ କଣ୍ଟେଣ୍ଟ ପାଇଁ ପୂର୍ବରୁ ହିଁ ଅନେକ ଅସୁବିଧାର ସାମ୍ନା କରିବାକୁ ପଡ଼ିଛି ଏବଂ ଏବେ ସେ ଆଉ ଏକ ମାମଲାରେ ଫସୁଥିବାର ନଜର ଆସୁଛନ୍ତି । ପୂର୍ବରୁ ବାପା,ମା’ଙ୍କ ଉପରେ ଖରାପ କମେଣ୍ଟ୍ କରିବା କାରଣରୁ ସମୟଙ୍କୁ ଅନେକ ବିରୋଧ କରାଯାଇଥିଲା ଏବଂ ଅନ୍ୟ ସୋସିଆଲ ମିଡିଆ ଇନଫ୍ଲୁଏନ୍ସର୍ସ ସମେତ ତାଙ୍କ ବିରୁଦ୍ଧରେ ୭ଟି ଧାରାରେ କେସ ହୋଇଥିଲା । ଏବେ ସମୟ ରୈନାଙ୍କୁ ଆଉ ଏକ ପୁରୁଣା ମାମଲାରେ କୋର୍ଟରୁ ଆଶ୍ୱସ୍ତି ମିଳିନାହିଁ । ଦିବ୍ୟାଙ୍ଗଙ୍କ ଥଟ୍ଟା ଉଡାଇବା ମାମଲାରେ କ୍ୟୋର ଏସଏମଏ ନାମକ ସଂସ୍ଥା ସମୟ ରୈନାଙ୍କ ବିରୁଦ୍ଧରେ ଅଭିଯୋଗ କରାଇଥିଲା । ପୂର୍ବ ଶୁଣାଣିରେ ସମୟଙ୍କୁ ଅନ୍ୟ ଇନଫ୍ଲୁଏନ୍ସର ସମେତ ଜବାବ ଦାଖଲ କରିବାକୁ କୁହାଯାଇଥିଲା । ଏବେ ନିକଟରେ ହୋଇଥିବା ଶୁଣାଣିରେ କୋର୍ଟ ସମୟ ରୈନାଙ୍କୁ କ୍ଷମା ମାଗିବାକୁ ଆଦେଶ ଦେଇଛନ୍ତି ।

ସୁପ୍ରିମକୋର୍ଟ ଷ୍ଟାଣ୍ଡ-ଅପ କମେଡିୟାନ ସମୟ ରୈନାଙ୍କୁ ଦିବ୍ୟାଙ୍ଗଙ୍କ ବିରୁଦ୍ଧରେ ଅସମ୍ବେଦନଶୀଳ ଟିପ୍ପଣୀ ପାଇଁ ନିଜ ୟୁଟ୍ୟୁବ ଚ୍ୟାନେଲରେ ବିନା ସର୍ତ୍ତରେ କ୍ଷମା ମାଗିବାକୁ ନିର୍ଦ୍ଦେଶ ଦେଇଛନ୍ତି । ଏଥିରେ ତାଙ୍କ ବ୍ୟତୀତ ବିପୁଲ ଗୋୟଲ, ବଲରାଜ ପରମଜୀତ ସିଂହ ଘଇ, ନିଶାନ୍ତ ଜଗଦୀଶ ତନୱର ଏବଂ ସୋନାଲୀ ଠକ୍କର ଓରଫ ସୋନାଲୀ ଆଦିତ୍ୟ ଦେସାଇଙ୍କ ନାମ ମଧ୍ୟ ସାମିଲ ଅଛି । ଏହା ସହିତ କୋର୍ଟ ଭାରତ ସରକାରଙ୍କୁ ନିର୍ଦ୍ଦେଶ ଦେଇଛନ୍ତି କି ସୋସିଆଲ ମିଡିଆରେ କିଛି ଏପରି ଗାଇଡଲାଇନ ହେଉ, ଯାହା ମାଧ୍ୟମରେ ଦିବ୍ୟାଙ୍ଗ ନାଗରିକଙ୍କ ସହିତ ହେଉଥିବା ଥଟ୍ଟାକୁ ନିୟନ୍ତ୍ରଣରେ ରଖାଯାଇପାରିବ ଏବଂ ମର୍ଯ୍ୟାଦାର ଧ୍ୟାନ ରଖାଯାଇପାରିବ । ଜଷ୍ଟିସ ସୂର୍ଯ୍ୟକାନ୍ତ ଶୁଣାଣି ସମୟରେ କହିଥିଲେ କି ଅଧିକାର ଏବଂ କର୍ତ୍ତବ୍ୟରେ ସନ୍ତୁଳନ ରହିବା ଉଚିତ । ସେ ଏହା ମଧ୍ୟ କହିଥିଲେ କି ୟୁଟ୍ୟୁବର୍ସ ତାଙ୍କୁ କୁହନ୍ତୁ କି କୋର୍ଟ ତାଙ୍କ ଉପରେ କେତେ ଜରିମାନା ଲଗାଇବ । ଜଷ୍ଟିସ ସୂର୍ଯ୍ୟକାନ୍ତ ଚିନ୍ତା ବ୍ୟକ୍ତ କରି କହିଥିଲେ କି ଆଜି ଦିବ୍ୟାଙ୍ଗଙ୍କ ପରିହାସ କରାଯାଉଛି, ଆରଥରକୁ ମହିଳା, ବରିଷ୍ଠ ନାଗରିକ, ପିଲାଙ୍କର ହୋଇପାରେ । ଏଭଳି ପରିହାସର ଅନ୍ତ କେଉଁଠି ହେବ ?

ଏହା ପୂର୍ବରୁ ମେ’ ମାସରେ ଶୁଣାଣି ସମୟରେ ଜଷ୍ଟିସ ସୂର୍ଯ୍ୟକାନ୍ତ ସମୟ ରୈନା ଏବଂ ଅନ୍ୟ ଇନଫ୍ଲୁଏନ୍ସର୍ସ ଦ୍ୱାରା କରାଯାଇଥିବା ପରିହାସ ଉପରେ ଗଭୀର ଆପତ୍ତି ଜଣାଇଥିଲେ । ସେ କହିଥିଲେ କି ଲୋକ ଫଣ୍ଡାମେଣ୍ଟାଲ ରାଇଟ୍ସ ଅଫ ଫ୍ରୀ ସ୍ପିଚର ଭୁଲ ଉପଯୋଗ କରୁଛନ୍ତି । କିନ୍ତୁ ଏହି ଫ୍ରିଡମ ସହିତ ସବୁବେଳେ କୌଣସି କମ୍ୟୁନିଟିର ପରିହାସ କରିବା ମାନସିକତାକୁ ନିନ୍ଦା କରୁଛୁ ।