କନକ ବ୍ୟୁରୋ: ତାମିଲନାଡୁ ରାଜ୍ୟପାଳଙ୍କୁ ସୁପ୍ରିମକୋର୍ଟଙ୍କ ଭର୍ତ୍ସନା । କ’ଣ ପାଇଁ ବିଲ୍ ଗୁଡିକ ଉପରେ ନିଷ୍ପତ୍ତି ନିଆଯାଉନି , କାହିଁକି ଆଇନରେ ପରିଣତ କରାଯାଉନି ? କ’ଣ ରହିଛି ସମସ୍ୟା ଏନେଇ ରାଜ୍ୟପାଳଙ୍କୁ ପ୍ରଶ୍ନ କରିଛନ୍ତି ସୁପ୍ରିମକୋର୍ଟ ସୁପ୍ରିମକୋର୍ଟ ।

Advertisment

ସର୍ବ ସହମତିରେ ଯଦି ବିଧାନସଭାରେ ବିଲ୍ ପାରିତ ହୋଇଛି ତେବେ ଏହାକୁ ଆଇନରେ ପରିଣତ ନକରି ଏହାକୁ ରୋକିବା ରାଜ୍ୟପାଳଙ୍କ ଦାୟିତ୍ବବୋଧକୁ କ୍ଷୁଣ୍ଣ କରୁଛି ବୋଲି ଆଜିର ଶୁଣାଣିରେ କହିଛନ୍ତି କୋର୍ଟ । ରାୟ ଦେଇଛନ୍ତି ଯେ, ରାଜ୍ୟପାଳ ଆରଏନ ରବିଙ୍କ ଦ୍ୱାରା ୧୦ଟି ପ୍ରମୁଖ ବିଲ୍ ପାଇଁ ଅନୁମୋଦନ ସ୍ଥଗିତ ରଖିବାର ନିଷ୍ପତ୍ତି ବେଆଇନ ଓ ମନମାନି ମନୋଭାବକୁ ଦର୍ଶାଉଛି  । ଏଭଳି ବିଲକୁ ରୋକାଯାଇପାରିବନି । ଜଷ୍ଟିସ ଜେବି ପାରଦିୱାଲା ଏବଂ ଜଷ୍ଟିସ ଆର ମହାଦେବନଙ୍କ ଖଣ୍ଡପୀଠ କହିଛନ୍ତି , ସମ୍ବିଧାନର ଧାରା ୨୦୦ ଅନୁଯାୟୀ ରାଜ୍ୟପାଳଙ୍କ ସମ୍ମୁଖରେ ରାଜ୍ୟ ସଦନ ଦ୍ୱାରା ଗୃହୀତ ଏକ ବିଲ୍ ଉପସ୍ଥାପିତ ହେଲେ ରାଜ୍ୟପାଳ ତାଙ୍କର ସମ୍ମତି ପ୍ରଦାନ କରିପାରିବେ, ସହମତି ସ୍ଥଗିତ ରଖିପାରିବେ କିମ୍ବା ରାଷ୍ଟ୍ରପତିଙ୍କ ବିଚାର ପାଇଁ ବିଲ୍ ସଂରକ୍ଷଣ କରିପାରିବେ । ରାଜ୍ୟପାଳ କିଛି ବ୍ୟବସ୍ଥାର ପୁନଃବିଚାର ପାଇଁ ଗୃହ କିମ୍ବା ଗୃହକୁ ବିଲ୍ ଫେରାଇ ପାରିବେ । ଯଦି ଗୃହ ଏହାକୁ ପୁନର୍ବାର ଗୃହୀତ କରେ, ତେବେ ରାଜ୍ୟପାଳ ନିଜ ସମ୍ମତି ପ୍ରକାଶ କରିବେ ।