ଆଇସିୟୁ ପାଇଁ ଆସିବ ଏସଓପି, ରାଜ୍ୟକୁ ଗାଇଡଲାଇନ ପ୍ରସ୍ତୁତ କରିବାକୁ ନିର୍ଦ୍ଦେଶ ଦେଲେ ସୁପ୍ରିମକୋର୍ଟ

କନକ ବ୍ୟୁରୋ: ରୋଗୀ ସଂଖ୍ୟା ବୃଦ୍ଧି ସହ ତାଳଦେଇ ରାଜ୍ୟ ତଥା ଦେଶରେ ସରକାରୀ, ବେସରକାରୀ ମେଡ଼ିକାଲ ସଂଖ୍ୟା ବୃଦ୍ଧି ପାଇବାରେ ଲାଗିଛି । ତେବେ ସରକାରୀ ମେଡ଼ିକାଲରେ ଗୋଟିଏ ନିୟମ ପାଳନ ହେଉଥିବା ବେଳେ ବେସରକାରୀ ମେଡ଼ିକାଲରେ ଭିନ୍ନ ନିୟମ ପାଳନ ହେଉଥିବା ଦେଖିବାକୁ ମିଳିଛି । ଆଇସିୟୁ, ସିସିୟୁ ୟୁନିଟକୁ ନେଇ କରାଯାଉନି ସଚେତନତା । ଯାହାକୁ ନେଇ ରୋଗୀଙ୍କ ସମ୍ପର୍କୀୟ ଓ ମେଡ଼ିକାଲ କର୍ତ୍ତୃପକ୍ଷଙ୍କ ମଧ୍ୟରେ ଅନେକ ସମୟରେ ରହୁନାହିଁ ତାଳମେଳ । ରୋଗିଟିଏ ଆଇସିୟୁକୁ ଗଲା ପରେ ଭିତରେ କଣ ଚିକିତ୍ସା ଚାଲିଛି, ରୋଗୀକୁ କେଉଁ ଔଷଧ ଦିଆଯାଉଛି ଏନେଇ ସମ୍ପର୍କୀୟଙ୍କୁ କୌଣସି ସୂଚନା ପ୍ରଦାନ କରାଯାଉନି । 

ଜୟପୁର ଜିଲ୍ଲା ସ୍ୱାସ୍ଥ୍ୟକେନ୍ଦ୍ରର ବଦଳିଛି ନାଁ: ସବଡ଼ିଭିଜନାଲ ହସ୍ପିଟାଲରୁ ହୋଇଛି ଜିଲ୍ଳା ମେଡ଼ିକାଲ, ହେଲେ ବଦଳିନି ବ୍ୟବସ୍ଥା

ଏପରି କି ରୋଗୀର ମୃତ୍ୟୁ ପରେ ମଧ୍ୟ ପରିବାର ଲୋକଙ୍କୁ ମିଛ କହି ଘରୋଇ ମେଡ଼ିକାଲ ଗୁଡ଼ିକ ଟଙ୍କା ଲୁଟୁଥିବା ନେଇ ଖବର ବିଭିନ୍ନ ସମୟରେ ସାମ୍ନାକୁ ଆସୁଛି । ସେହିପରି ମୋଟ ଶଯ୍ୟାର ୧୦% ଆଇସିୟୁ ରଖିବା ନିୟମକୁ ମଧ୍ୟ ଅବମାନନା କରାଯାଉଛି । ଏସବୁ ଉପରେ ରୋକ ଲଗାଇବାକୁ ସାରା ଦେଶରେ ଆଗକୁ ସ୍ବତନ୍ତ୍ର ଏସ୍‌ଓପି ଜାରି ହେବାକୁ କରାଯିବ । ରାଜ୍ୟକୁ ଗାଇଡଲାଇନ ପ୍ରସ୍ତୁତ କରିବାକୁ ନିର୍ଦ୍ଦେଶ ଦେଇଛନ୍ତି ସୁପ୍ରିକୋର୍ଟ । ଏନେଇ ରାଜ୍ୟର ସମସ୍ତ ସରକାରୀ, ବେସରକାରୀ ମେଡ଼ିକାଲ କର୍ତ୍ତୃପକ୍ଷଙ୍କ ସହ ଆଲୋଚନା କରିଛନ୍ତି ରାଜ୍ୟ ସରକାର ।